早前梁朝偉獲威尼斯影展頒發終身成就獎，TVB相信有見及此，安排由9月13日開始深夜重播偉仔初出茅蘆時主演嘅劇集《新紮師兄》，俾影迷欣賞影帝的那些年。

《新》係1984年TVB台慶劇，當時TVB收視幾近壟斷，而以幾位上位小生花旦主演又夠吸引力，當時據報每集平均收視超過50點，即係差唔多大半個香港都睇緊。故事以80年代香港少年警校為背景，原因係當年少年警校收生不足，於是警隊邀請TVB合作，並由當時得令嘅監製招振強操刀。結果劇集播出後效果超出預期，報考警隊人數大幅增加。由於劇集受歡迎，TVB喺1985及1988年分別開拍2齣《新紮師兄》續集，甚至傳過90年代想搵梁朝偉回巢拍第4輯。後來由於偉仔檔期問題而未能成事，而該劇藍本經改造後，成為另一齣重頭劇《天地男兒》。

80年代TVB係造星搖籃，《新紮師兄》嘅男女主角梁朝偉、張曼玉、劉嘉玲同劉青雲，多年後分別成為影帝影后，由此可見一斑。劇集安排梁朝偉同張曼玉係一對，而劉嘉玲係偉仔同父異母細妹，最後嫁俾劉青雲；而多年後梁朝偉同張曼玉成為螢幕經典情侶，偉仔就同嘉玲成為夫妻，劉青雲亦從後趕上成為實力派影帝。

第1集

張偉杰（梁朝偉飾）與高佬泉（呂方飾）投考少年警校，後被取錄。穎芝（張曼玉飾）被飛仔非禮，張偉杰助穎芝逃脫。福成（劉兆銘飾）扮成經濟拮据模樣，藉此減少給偉杰零用錢。福成提出要與許秋萍（蘇杏璇飾）離婚，但被拆穿扮窮。秋萍欲裝扮自己往電髮，卻遇上福成另一妻子麗媚（羅蘭飾）。

第2集

張偉杰等進入學堂後，教官葉昌華（吳孟達飾）教學手法嚴厲。人稱Fit佬的倪峰（劉青雲飾）態度認真，使眾人叫苦。細昌欺負好姐（關禮傑飾） ，張偉杰抱打不平，細昌頓為生畏。張偉杰撞跌穎芝令她跌爛眼鏡，張偉杰陪她往配新眼鏡。阿義偷出學堂，恐「好姐」 報告給吳孟達，加以恐嚇。

第3集

Fit佬阻止張偉杰與阿義打架，好姐因受恐嚇而未將真相說出，但吳孟達明察，懲罰阿義。張偉杰獲悉母親與麗媚打架，麗媚兒子家明（戴誌偉飾）代母出頭，將張偉杰打至暈倒，麗媚女兒嘉汶（劉嘉玲飾）救醒他。Fit佬對好姐 加倍訓練，張偉杰以為Fit佬存心留難，向Fit佬挑戰。

第4集

偉杰向Fit佬挑戰跆拳道但不敵，昌華懲罰二人。Fit佬知父親因欲偷渡來港而受傷，難過飲泣，張偉杰將此事宣揚。嘉汶誤會偉杰對自己生愛意，說出自己身份，而麗媚怒斥偉杰。嘉汶向秋萍查詢羅蘭從前職業，但秋萍將真相隱瞞。

第5集

偉杰獲悉父親生活富裕，走到福成家質問。細昌欺負好姐 為Fit佬發現，後向昌華誣陷Fit佬但不果。偉杰與高佬泉等旅行，泉對嘉汶獻殷勤。細昌整蠱正跟蹤殺人犯阿強的Fit佬，因而被打草驚蛇，阿強拔槍指向眾人。

第6集

Fit佬與偉杰等將阿強制服，昌華反而懲罰Fit佬與偉杰，二人因此前嫌冰釋，而杰終決定留在警校。警校運動會快將舉行，張偉杰等向塔門社挑戰但敗北而回。昌華罰偉杰不准參賽，其後又答允若杰能做一百次掌上壓便讓他出賽。

第7集

張偉杰終能做一百下掌上壓，但吳孟達卻另出題目考試。Fit佬等陪「好姐」 練習，「好姐」 信心及體力大增。「好姐」 試探各人對他的關懷程度，訛稱有人謀害他，通知各人到後山相救，他卻失足跌落山坑。劉丹要「好姐」 退學，「好姐」 決定留在學堂。

第8集

舅父冬暗戀阿珍，阿珍轉往觀塘工作，舅父東亦跟隨，但阿珍對舅父東全無愛意。Fit佬對嘉汶亦甚有好感，高佬泉看在眼裡，醋意頓生。Fit佬畢業，張偉杰與Fit佬比試體能，Fit佬知張偉杰早有意與自己作比較，遂答應與張偉杰比賽。

第9集

張偉杰與Fit佬鬥體能，張偉杰落敗。少玲與夏萍發生爭執，阻止穎之與張偉杰等來往。秋萍老闆挾帶私逃，夏萍出面代秋萍向福成索錢，福成諸多推搪，終由「好姐」 向創基借錢給張偉杰。舅父東見福成與麗媚揮霍購物，搶走福成之銀包逃去。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！