方力申參加先進游泳世錦賽奪銀牌 自嘲輸在2大缺點

Yahoo 娛樂圈

曾經係港隊游泳代表嘅方力申，近年開設游泳學校之餘亦重投訓練。剛渡過44歲生日嘅小方，早前飛到多哈參加世界先進游泳錦標賽。

方力申參加先進游泳世錦賽奪銀牌 自嘲輸在2大缺點
方力申參加先進游泳世錦賽奪銀牌 自嘲輸在2大缺點
方力申參加先進游泳世錦賽男子200米背泳，以不足一秒輸俾冠軍泳手，奪得銀牌
方力申參加先進游泳世錦賽男子200米背泳，以不足一秒輸俾冠軍泳手，奪得銀牌

小方尋日喺IG報喜，表示自己喺40至44歲組別男子200米背泳比賽中獲得銀牌。佢寫道 －

阿媽我得咗喇，妳個肥仔，復出游水4年，終於攞到個世界先進分齡比賽嘅銀牌，係200米背泳，我最有機會嗰項已經游完，之後就爭取啲好啲嘅時間。 恭喜第一名 from HK LRC 嘅 Donal，佢以前係愛爾蘭嘅紀錄保持者，第三名係來自巴拉圭嘅Daniel C，佢上年喺福岡世界賽攞咗兩面獎牌。 最後，我想講我真係要減肥，由上年舞台劇完成後到今日，我重咗7kg，完。

而冠軍係同樣代表香港嘅泳手Donal Thomas O'Neill。小方指來自愛爾蘭嘅Donal，曾經係愛爾蘭游泳紀錄保持者。而今日小方出戰嘅男子100米背泳決賽，佢以第四名完成賽事，而Donal就得到亞軍。

方力申同Donal再喺100米背泳出戰，結果小方得「梗頸四」
方力申同Donal再喺100米背泳出戰，結果小方得「梗頸四」

曾代表香港出戰2000年悉尼奧運的方力申，當年刷新男子200米背泳及400米個人混合泳香港紀錄，而且呢兩項紀錄都保持咗超過20年先被打破。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！