日本飛天車正式試飛成功 預計2023年登場!
幾乎所有講到未來嘅電影都有飛天車嘅出現,不過睇戲睇咗幾十年真正嘅飛天車都未出現。日前日本飛天車研發公司SkyDrive就發佈一段影片,一輛由一位司機駕駛嘅飛天車離地兩公尺,高速飛行5分鐘。
飛天車外型好似一輛小飛船,機長4米、闊兩米,SkyDrive社長為前豐田員工福澤知浩,佢話飛天車時速去到4公里,最多可以飛30分鐘,車上有8個螺旋槳。福澤知浩表示目前飛天車預計可以於2023年正式推出市面,甚至可以向外國銷售,希望用上飛天車解決大城市塞車問題。
目前SkyDrive已經集資超過3,500萬美金,希望加快研究。據講世界好多旅遊景點都考慮購入飛天車作為遊覽之用,可以提供畀遊客另類觀賞體驗;但願2023年時,大家會真係見到飛天車出現啦。
相關文章: