雅虎香港新聞 
最慳女配角 朱晨麗老麥慶功
TVB 50周年台慶頒獎禮曲終人散，今年就有唔少獎被指爆大冷，當中朱晨麗揮低大小姐林淑敏奪得「最佳女配角」，網民替大小姐不值，幸好朱晨麗有緋聞男友何廣沛喺IG力撐，又得TVB全力力捧，將在今年TVB開拍的電影《倚天屠龍記》演周芷若；來自蘇州的朱晨麗﹐真係如佢所講咁「創出一片天」。
撰文：東方新地
延伸閱讀：
阿嬌宣布訂婚 經理人Mani送祝福 ：阿嬌係一個非常值得人愛嘅女仔！
朱晨麗 攞獎好感觸
在今年的台慶頒獎禮，朱晨麗爆冷揮低大熱的林淑敏及陳敏之奪「最佳女配角」獎，即使有獎在手，朱晨麗亦要承認自己未夠班平息民憤：「其實我都係投畀Mandy(林淑敏)，大家都係教會弟兄姊妹，宣布我得獎時我都好驚訝！冇諗到自己可以得到呢個獎！一片空白咁，事實上論資排輩,可能仲爭少少，我都未到呢個Level，我好歡迎大家同我講我有咩不足，我都想快啲進步！」
朱晨麗在緋聞男友何廣沛手上接過奬項，激動表示：「我唔知講咩，我冇諗過拎呢個獎。其實我由零開始，好多謝公司俾我選港姐，我連一句廣都唔識講，依家可以參與《超時空男臣》呢個劇，多謝Marco俾機會我。好大壓力，因為我未試過演咁野蠻女友角色。我成日問自己，我得唔得呢。之後收到珍姐電話，係佢鼓勵我，叫我加油努力，糾正我點樣去講每一個字，排除廣東話呢個難關之後，做戲就可以自然啲！」朱晨麗多謝完fans之後，最後佢又話：「如果冇你哋支持，我都唔知點行落去，因為我之前都受過好多打擊，希望我哋喺內地成長嘅小朋友，嚟到香港之後依然可以打出一片天，一齊支持我哋！」
老麥萬歲
自認還有進步空間，但攞獎始終都係開心事，近日不停為新劇《兄弟》開工，日前朱晨麗趁做完《平安谷之詭谷傳說》宣傳活動，就拉隊請工作人員去老麥開餐，主動萬歲，平平哋為攞女配角獎簡單慶功住先。知情人士透露：「11年當選港姐冠軍，Rebecca就簽咗TVB，但因為屋企人喺晒內地，乜都要靠自己﹐廣東話又唔好，佢都好大壓力！所以佢攞獎先咁感觸﹐講嘅內地小朋友論，都係想鼓勵番自己，以及內地來港生活嘅人。點知引起網民咁大反應，除咗公開認低威息民怨，又唔敢大肆慶祝住。」
劉江獨撐
大夥兒坐低開餐,當中仲有在平安谷 演老爺一角的劉江,期間朱晨麗同一 班工作人員有講有笑,食得非常開心。
唔舒服入院
朱晨麗最近忙拍劇但每日收到同事的恭賀，除了去老麥萬歲，暫時唔敢搞大型慶祝會住。據知情者透露：「呢幾年拍劇日夜顛倒﹐Rebecca身體都出過幾次問題，之前因為生瘤要做手術，被迫辭演《不懂撒嬌的女人》，呢排趕拍《兄弟》，又因為連拍30個鐘，搞到唔舒服要入醫院，忙完先諗慶祝！」
謝絕緋聞
雖然獲獎未算眾望所歸，朱晨麗亦有緋聞男友何廣沛力撐，兩人在《超時空男臣》合作後，撻著玩地下情。朱晨麗好友透露:「之前有傳Rebecca同電子大王劉紀明拍拖，其實佢兩個已經分咗手好耐！佢同Matthew(何廣沛)疑幻似真，始終佢兩個都上緊位，都想專心做嘢先，唔好畀緋聞影響事業。」
被發現分開走
朱晨麗何廣沛因拍《超時空男臣》撻著，緋聞更帶挈兩人情侶檔賺外快！當日做完嘢，朱晨麗何廣沛本來一齊搭lift落地下，準備上朱晨麗的七人車，不過一發現記者，二人即彈開分頭走，何廣沛更行去另一邊截的士。朱晨麗的七人車因在禁區停低等候，引來警察抄牌，擾攘了一輪朱晨麗才成功上車。
