【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞

·3 分鐘文章

有線新聞部大裁員,40名員工被解僱,專題節目《新聞刺針》更遭「團滅」全組炒魷,事件引發其他編採人員辭職,《有線中國組》全組上下一齊遞信,多名中高層人員亦齊齊走人,可算係香港電視新聞界有史以來最大型嘅裁員/辭職事件。今年中,4名高層人員空降有線新聞部,內部人員已經預計將有大事發生。咁啱咁橋,呢4位高層都曾經係主播,但係有報導引述資深有線新聞部員工話「佢地4個連做實習都未夠班」。

許方輝

現任新聞及公共事務副總經理嘅許方輝,曾經係資深TVB主播,太太係亞視前主播陳佩琳,2013年有周刊影到許方輝同比佢後生18年嘅TVB新聞之花周嘉儀搭上。事後二人當然被迫暫時離開幕前,陳佩琳亦都搬離寓所冷靜一下。更爆嘅係緋聞見光之後一年幾,有傳周嘉儀仍未死心,向許方輝同陳佩琳作出電話滋擾。最近許方輝正式向TVB辭職,據知係空降有線新聞部出任高層。至於周嘉儀一早離開新聞界轉投金融界發展。

陳興昌

【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞
【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞

一眾新聞部員工得知裁員消息後,向高層了解情況,新聞總監陳興昌認為同事行為係「爛仔講數」,片段立即網上瘋傳。樹仁新聞系畢業嘅陳興昌,1995年入行時喺亞視新聞部做編導,5年後自行「舉手」轉做記者,從此一帆風順,升做主播之後再成為亞視助理副總裁,2015年再升職出任新聞及公共事務部副總裁。

【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞
【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞

陳興昌2006年到深圳採訪隆胸物料含有毒物質PAAG事件時,被美容醫院派人打傷。而陳擔任亞視主播時,「撞正」播報2宗假消息,分別係2011年7月誤報中共前總書記江澤民死訊,以及2015年3月亞視稱控股權轉讓俾香港電視主席王維基嘅新聞。

李臻

【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞
【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞

名校男拔萃畢業嘅李臻,大學畢業後就加入有線做主播,之後轉投TVB及Now新聞台,舊年空降出任新聞總監。早年李臻曾經同女主播吳雪文交往,之後分手,而家李臻已婚並育有一對仔女,仲出書分享育兒心得。李臻試過喺採訪期間,因為攝影師與警員發生爭執,對警員破口大罵;李喺2015年透過facebook出post批評「香港現時最似文化大革命的地方,可能是愈來愈多沒有受過太多教育和不太識字的人,愛批評/批鬥大學生和知識分子。」

不過近年李臻立場有所不同,有傳由佢主理特首林鄭月娥接受有線專訪,連林鄭都認為問題太溫和。

謝燕娜

【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞
【有線新聞地震】辣火頭四大高層 許方輝搭上周嘉儀最轟動 陳興昌兩次報錯大新聞

多年來都係從事英語新聞部,分別喺香港電台及亞視工作過,2018年有線新開設香港國際財經台,謝燕娜由亞視過檔擔任英語新聞主管,今年8月調任為有線新聞及公共事務副總經理,掌管新聞部。

【相關搜尋】主播黃紫盈傳被張文采欺凌