朱晨麗處女獻聲 朱敏瀚全裸任睇

朱晨麗和簡淑兒均與朱敏瀚有感情線。
朱晨麗和簡淑兒均與朱敏瀚有感情線。

朱晨麗(朱朱)在《輕.功》首次獻聲,監製黃偉聲說:「《有一天我會》呢首歌原唱唔用得,本身唔清楚朱朱歌喉,佢話可以返去練習吓,原來佢唱得好好。」朱朱開心被發掘唱歌天分:「平時好鍾意唱歌,但遇唔到一個合適嘅平台同機會,要多謝監製畀機會,感恩!」她透露首次抱BB演戲,故打醒十二分精神:「今次體驗咗湊BB嘅生活,好似實習咁,以後就好有經驗。」

朱朱與朱敏瀚有感情戲,其中一場戲男方要全裸上陣做人體素描模特兒,朱敏瀚表示拍攝時疫情嚴重,要在家用有限資源健身。問到可有被朱朱睇全相?他笑言:「觀眾睇幾多,佢就睇到幾多,合約包嘅。」

朱敏瀚笑言若拍劇不用除衫,就不會有錢收。
朱敏瀚笑言若拍劇不用除衫,就不會有錢收。