雅虎香港新聞 
李國麟 太太41高齡生囡囡 後悔中年得女遲起步
《宮心計》奸臣馬元贄、《王老虎搶親》令人笑爆嘴的祝枝山，綠葉王 李國麟 演技毋庸置疑，入行多年演藝事業稱職有余，02年當時48歲的 李國麟 榮升寶貝女李沅薐（阿Bi）嘅爸爸，轉眼間囡囡已經15歲. 他謂於圈中打滾多年，早看淡世情，希望以身教育成無憂無慮快活人。日前， 李國麟 與15歲的女兒慶祝生日，並在微博上分享了幾張慶生照，兩父女感情非常好，不少網民更大讚女兒長得漂亮。
撰文：Sunday Kiss
圖片：微博，新傳媒圖片庫
延伸閱讀：
NIKE官網 7折買新鞋 SockRacer、Presto、Sock Dart有貨
63歲的李國麟，入行逾40年，參演過近百部電視劇，多演反派角色，相信觀眾對他絕不陌生。其演技精湛備受觀眾肯定，更曾3次獲提名《萬千星輝頒獎典禮》的最佳男配角。
日前，李國麟替15歲的女兒慶祝生日，更在微博分享了多張慶生照，並謂：「昨日囡囡生日，好開心！」相中可見，身穿桃紅色上衣的李國麟，不僅緊緊抱著女兒，還給女兒送上香吻賀壽，兩父女感情相當要好。不少網民更留言大讚囡囡長得非常漂亮，而且跟爸爸餅印一樣。
由細到大，李國麟都非常疼愛女兒，他亦不諱言自己經常縱壞囡囡。不過自己心中亦有條界線，他指女兒18歲前未識分黑白就要聽話，18歲後則可由她作主。
兩父女毫無隔膜，李國麟經常在網上分享與囡囡的生活照，兩人如糖黐豆般，實在叫人羨慕。
浪子回頭
李國麟 同太太Angel屬青梅竹馬，由拍拖、分手最後復合開花結果。幾年前李國麟接受我哋訪問嘅時候就話：「我爛玩佢（太太）咪飛咗我囉，我又繼續開屏，輾轉一齊番開枝散葉，佢係好好慨老伴。」筆者說出浪子回頭四只字，李太甜笑點頭，不難想像過程多辛酸。從前 李國麟 認為自己未定性、社會復雜唔想生，至97年婚後茅塞頓開，他謂：「其實我好鐘意小朋友，尤其見到啲細路女，好似色魔咁『叔叔抱抱』，一抱就唔願放，阿爸阿媽又有啲怨言，決定博一博，一年內有就要，點知第3個月中咗，仲要係女真係開心到不得了！」
太太高齡產女 險被庸醫嚇死
當時李太41歲屬高齡產婦，幸好陀得舒適，唯獨被一個黃綠醫生嚇到半死，「佢陀到6個幾月去檢查，醫生話佢血壓高有胎毒病，最嚴重會母女不保，我哋喺診所呆咗，咁大個仔第一次感受到晴天霹靂！」兩人為審慎計翌日到政府醫院求診，證實胎兒和母體相安無事，醫生說根本沒有這種病，實在謝天謝地。轉眼間囡囡已經15歲，雖然父女年齡相差較大，但係 李國麟 同囡囡感情非常要好！
後悔遲起步
自知中年得女較遲起步，李國麟想但唔敢追多個，他感嘆謂：「我都好想追，但要衡量自己能力，好似阿Bi咁，如果早啲生將來可以陪多佢幾年，要知自己有幾多極限，當我有75-80歲，睇到佢成年，但可以睇耐啲更好，我阿媽依家仲同我頂嚇嘴幾開心。」藝人工作日以繼夜，連開幾晚通宵不以為過，與囡囡相差48載，照顧女兒可能力不從心，李國麟自信十足謂：「一定無問題，暫時唔覺年紀差得遠，十年後可能會，始終我哋拍戲體力勞動，而且我運動量OK，唔會覺得吃力，除非要抱佢啦！」
童星no way
被問到將來會否俾囡囡入行，他一本正經謂：「佢細個好得意，無線監制潘嘉德話有角色啱我哋，做番父女，就埋我個期，我拒絕咗，人哋帶啲細路返廠做童星，我喺背後真係『媽媽聲』！唉．．．呢個係大人世界唔係兒童樂園，就算你係小朋友，我哋做嘢都唔會遷就同應酬你，語言上可能好成人，點解要俾佢接觸咁殘酷慨世界?!小朋友應該去游樂場，一旦污染咗佢思想就冇得救！」
放棄名校網
在李太眼中，老公對女兒的格言是：「今日唔識聽日識，聽日唔識後日識。」 李國麟 認為人生苦短，求學絕非求分數，結果他放棄跑馬地舊居名校校網，毅然搬到清水灣，他謂：「一來返工近啲，二來空氣好好多，舊居附近係多名校，但要視乎佢係咪讀書材料，如果入名校，但讀書追唔上，咪即係自己呃自己，讀書壓力好大，佢依家間學校個書包都拎到我抽筋，如果佢入咗名校，我諗佢會神經衰弱或者精神分裂，我哋會家變！」
延伸閱讀：
