東張西望│美華單位被保安佔據有新發展 阿娟態度突變道歉兼跪地認錯

·2 分鐘文章
《東張西望》聾啞人士單位被佔據全城關注
《東張西望》聾啞人士單位被佔據全城關注

無綫資訊節目《東張西望》採訪唔少社會時事及民生等議題,早前報道關於聾啞人士美華單位被保安阿娟佔據要露宿走廊,事件隨即引起全城關注。喺最新一集(23日)中,《東張西望》預告事件有戲劇性嘅發展,除咗美華得到單位鎖匙之外,阿娟仲竟然道歉。

上星期《東張西望》報道美華係一名聾啞人士,多年嚟一直與父親同住該單位,直至2017年父親離世,女保安阿娟憑美華父親嘅遺囑得到呢個單位,期間阿娟仲話係美華爸爸將單位送俾佢,以報答喺生病期間嘅照顧,仲話佢爸爸講過唔需要理會美華,所以更將美華趕出單位,四年來美華都係喺單位出面嘅走廊露宿。唔少網民及街坊都覺得美華好慘,及鬧爆娟姐冇人性及態度狂妄。

《東張西望》與志願人士亦有繼續跟進事件,去到噚晚嗰集《東張西望》就預告事件有戲劇性嘅發展,阿娟將單位鎖匙重新俾美華,態度亦突然180度轉變,主動道歉話:「唔好意思呀,我同你哋講聲啦,我今次真係做到好錯呀!做咗都唔係人做嘅嘢!」之後佢仲雙手合十走向美華身旁話:「我求求你呀,俾個機會我啦!」,然後再向美華90度鞠躬兼跪地認錯。

預告片出街後,唔少網民感謝《東張西望》幫忙,紛紛留言話:「感謝東張西望 感謝主持人的正義 人間有愛」、「多謝東張西望為弱勢出面,一定要以奪回安樂窩為最終目標,不要被女保安做戲得逞。」、「TVB 一直跟進做得好,讓更多嘅老弱妇孺警醒人心莫測不要輕易接受小恩小惠以免上當受騙。」、「TVB做得好,好人有好報,希望完全幫到美華才收手,最怕阿娟做戲,之後就慘囉!」、「Respect節目組和主持人!!!」及「做得好,多謝tvb幫美華」等等。

《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能