東張西望丨容羨媛質疑黃耀英結婚多年冇生小朋友場面尷尬 網民：有冇尊重別人感受？

《東張西望》喺噚晚講到香港係全球生育率最低嘅地方時，容羨媛就話：「我就已經幫香港生咗兩個小朋友出嚟㗎啦！Darren你結咗婚咁耐，我好想知道點解你咁耐都冇生小朋友呢？其實係唔係你有問題呀？」之後，表現尷尬嘅黃耀英就解釋話：「嗱嗱嗱...其實喺香港做小朋友真係一啲都唔容易㗎！又要測驗呀，考試呀，學呢樣學嗰樣......」不過容羨媛都冇放過佢，繼續發功追問：「你冇正面回應，你係唔係有問題喎！其實要check一check，身體健康緊要呀嘛！」而隔離嘅黃耀英擺出無奈表情，直至容羨媛將話題帶去另一題材，佢先鬆一口氣。

黃耀英與「東張女神」李旻芳喺2019年拉埋天窗，婚後不時喺社交網站放閃，非常幸福快樂。節目出街後，唔少網民鬧爆容羨媛口不擇言，例如「個女主持真係好X唔專業乜X唔生就問人身體有冇問題」、「結婚後，唔一定要生小孩，隨緣啦⋯⋯」、「大庭廣眾感覺好冇禮貌，生唔生係關人哋家庭計劃事，未必關健康事。」、「有冇尊重別人感受？」、「人地唔生又關佢咩事，自己去生飽佢」及「姓容呢個女主持不嬲都有問題！搞到人尷尬，仲以為自己好識問嘢！」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！