東張西望︱MIRROR重辦演唱會 苦主斥責ViuTV不能換飛 鏡粉質疑TVB無中生有

近日MakerVille公布《MIRROR FEEL THE PASSION CONCERT TOUR 2024 · HONG KONG》的詳情，為MIRROR首個巡迴演出，首站為香港，一共舉辦16場。MIRROR首個紅館演唱會於去年7月因意外被腰斬，官方承諾餘下場次將會補場，而近日終於落實會於2024年重辦，沒想到買了演唱會門票的鏡粉卻怒斥完全不知退票安排，更有苦主上《東張西望》投訴及表示不滿；不過就有鏡粉懷疑「TVB造假」，整個訪問係自編自導自演。

喺《東張西望》中，其中一位受訪者陳小姐指「我無諗過係要我主動去Facebook同Instagram睇消息，我鍾意個偶像，我會Follow佢哋個人官方帳號，但我係無必要去Follow埋你公司個社交平台㗎嘛，你尋日先公布2024詳情，點解要Set一個咁嘅截止日期，好唔合理」、「今次真係心淡，賣飛就鋪天蓋地，換飛就收收埋埋」。

同樣係鏡粉嘅曹生、曹太亦指表示失望：：「真係好失望，門票真係好難買好難買，我買咗4連位，我2個囡囡好鍾意佢哋，當時每張買$880，我丁點Extra嘢都唔要，我淨係想要返我應得嘅權利」。另一位鏡粉Ricky斥責相關安排： 「你2024年個演唱會都未搞，又唔畀人退飛同換飛，你變相同一個位收2份錢，我哋血汗錢都要呃，完全睇唔到消息，亦無聽人講過」。 他透露自己每天都會看社交媒體，但從來沒有看過相關消息。另外，唔少鏡粉指出，他們無論透過電郵還是消委會等方法投訴皆無果，發送電郵後只有同一個回覆：「不再跟進」。而網上亦有大批網民留言，自己從未聽過相關安排，《東張》曾向MakerVille查詢相關事宜，節目內容指出，主辦方的回應是「未收到任何求助」。然而，MakerVille早在5、6月時已在Instagram公佈退票/換票安排，並提醒換票者需於6月30日或以前上網辦理，如若錯過辦理時間換票者自理。

節目播出後，引嚟好多鏡粉留言大反擊：「擺明TVB自編自導自演」、「好心作個好啲嘅故仔啦 我唔睇都一早知換票安排喎」、「係鏡粉點會唔知幾時退飛換飛吖，一早清清楚楚係FB,IG講晒，不如話無係小紅書出POST喇，無照顧甘啲人喇，東張係一有位就想插鏡仔。」、「又帶風向 帶左都幫唔到自己artists 架啦 俾d心機做好自己先啦」、「點會換唔到，我已經收到email，不實報道！」、「點解要咁黑心搞我哋MIRROR」、等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！