東張西望｜荃灣肉檔負責人與姜濤@MIRROR撞樣 網民：肉檔姜b

無綫資訊節目《東張西望》採訪唔少社會時事及民生等議題，好似前日（30日）就講到有市民喺荃灣大河道影到有老鼠喺夜晚趁住冇人就出嚟食生豬肉開餐，而第二日《東張西望》攝製隊就去到現場了解事件。當主持梁菁琳（Katerina）訪問肉檔負責人，一班網民驚訝表示負責人與人氣男團MIRROR成員姜濤撞樣。

位於荃灣大河道楊屋道街市附近嘅豬肉檔，近日被市民影到有5至6隻老鼠喺夜晚食生豬肉開餐，而《東張西望》就登門了解事件，肉檔負責人接受主持梁菁琳訪問回應，呢位負責人姓張，佢雖然戴上口罩，不過依然睇得出佢年紀輕輕，望落仲同姜濤撞樣。節目出街後，唔少網民都話二人似樣及大讚靚仔，例如「肉類分割員戴口罩成個瘦版薑逼咁」、「肉檔姜b」、「豬肉佬姜逼!」、「幾型好似豬肉威喎」、「真係有啲似姜b」、「姜濤轉行做豬肉佬？」、「瘦版姜濤」、「見到佢都即刻嘩~咁似姜濤既」 、「個豬肉佬都幾靚仔(帶左口罩)」、「明天豬肉檔又排曬隊！」及「嘩，不得了，不要除口罩，威威2.0」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！