東方昇突襲觀塘音樂噴泉 7千人睇直播出浴 「腦細」林日曦:我就好反感喇

東方新地 - 娛聞
·3 分鐘文章

「100毛」的東方昇向來語不驚人誓不休,殺出新血路,最近耗資逾5,000萬元興建的觀塘海濱音樂噴泉咁Hit,佢帶齊架撐去朝聖,話想試吓個水力,最後搽晒梘液未沖身就要走……
撰文:東方新地| 圖片:100毛直播截圖、林日曦IG

東方昇
東方昇去到觀塘海濱音樂噴泉開直播,即場表演除衫。
東方昇
東方昇除淨條孖煙囪,不過佢話入面仲有條泳褲打底。

東方昇實地考察

政府耗資半億建成的觀塘海濱音樂噴泉於4月22日正式啟用,東方昇想早去早享受,帶住東女郎同沖涼用品前往,仲話要實地沖個涼,試吓噴泉水力夠唔夠勁。

東方昇
東方昇去到現場已經人山人海,好多小朋友在玩水。
東方昇
東方昇濕身後搽上梘液。

東方昇進入忘我境界

現場有很多小朋友在玩水,東方昇的加入令現場氣氛變得高漲,東方昇更邀請小朋友為他擦身,又分派沖涼用品及玩具泡泡槍與民同樂。

東方昇
一時興起,方東昇直頭坐在地上感受水柱的力量。
東方昇
現場班小朋友見到東方昇好興奮,仲爭住幫佢擦背。

東方昇吸引7千人睇直播

東方昇音樂噴泉當浴場,仲即場直播如此破格,吸引逾7千人睇,網民邊睇邊笑,不過亦有人鬧他冇公德心。

東方昇
東方昇連泡泡槍都有。
東方昇
東方昇同現場小朋友打成一片,甚至抱起個男仔走入水柱畀水淋。

東方昇被驅趕

東方昇玩了大約十分鐘,滿身梘液都未洗得清,有康文署職員現身指他不能在噴泉當眾沖涼,東方昇與對方爭論,表示個噴泉自己有份出錢起,這時亦有在場市民不滿東方昇身上的梘液會跣親小朋友,東方昇見好就收,才決定離場。

東方昇
東方昇被職員勸喻停止沖涼。
東方昇
東方昇畀現場市民鬧爆在噴泉直播時用梘液沖涼,而康文署事後亦不點名批評,指會影響其他人,並因防止市民滑倒,已即時阻止,封鎖區域及清理,又呼籲要著重公德。
東方昇
東方昇最後的感受是,噴泉水力太弱。
東方昇
網民反應。
東方昇
網民反應。

「腦細」林日曦IG留言:我就好反感喇

至於毛記電視的「腦細」林日曦,接受傳媒訪問時笑言東方昇時常搵機會除衫露體係「肉酸嘅」,更惹起同事不滿,希望康文署幫忙勸服東方昇減少除衫。他之後又在IG留言:「大家醒醒吧,不要再被轉移視線,觀塘五千萬噴泉單嘢,個重點根本就唔係東方昇有冇用梘液,個議題應該聚焦在:『點解東方昇成日露體?』可能我冇佢咁大隻啦,我就好反感喇。」

林日曦。
林日曦。
林日曦IG留言。
林日曦IG留言。

延伸閱讀:

33歲阮兒甩拖後大解放 孖白雲影疑似全剝床照

愛回家|42歲陸浩明亂入主持《有錢仔傾吓偈》口臭演出被圍揼網民叫好