林作抽水荷里活廣場謀殺案 竟然擺女友裕美上枱

林作抽水荷里活廣場謀殺案 竟然擺女友裕美上枱
林作抽水荷里活廣場謀殺案 竟然擺女友裕美上枱

荷里活廣場昨日(2日)發生斬人命案,最終釀成2死。而向來自稱「香港抽水王」嘅前大律師林作,尋晚更「唔執輸」喺社交網晒出自己同疑犯嘅合照拼圖抽水,刻意模仿疑犯打扮着上淺色背心配深色短褲及波鞋,寫道:「放售荷里活廣場謀殺案疑犯同款波鞋一對。」外,仲寫明尺碼標示「9成新。」、「最輕盈系列,跑步一流,當年練拳常着!」售價399元!

離晒大譜!
離晒大譜!

雖然事後林作火速刪除社交網Post,不過離譜行徑仍被唔少網友截圖喪鬧缺德、冇人性外,仲有網友嬲到爆粗口:「夠薑咪X Del,抽水抽得你咁開心,我Backup比你啲客睇,你個人幾X黑心,呢啲慘案你都要抽水!」而林作亦一於懶理各界負評,繼續出Po表示:「之前有位高人告訴我,其實玩Delete Post係最高招!」藉此提升人氣外,更反咬詛咒林作嘅人比疑犯更冷血。

今次真係出事喇!
今次真係出事喇!

事件不斷發酵,林作就今次被指抽水事件發聲明列點解釋,而他於今日下午4點直播帶貨期間,親身回應。他強調:「不是道歉,而是辯論大會。不服來辯!4點見。」但他隔了一會又把此post刪了。

林作話唔道歉。
林作話唔道歉。

林作在直播帶貨期間會親身回應,但想不到是率先擺女友裕美「上枱」!裕美解釋林作因「淆底」而不敢現身,不過亦止不到網民的怒氣,遭網民瘋狂留言圍插!受牽連的裕美稱:「佢對我都冇同理心,更何況出面啲人?」飽受人身攻擊的她更爆粗回應:「唔好入嚟XX我,以為我好好恰?」