林作豁達「冇所謂啦」 疑似不雅片撒網 裕美:近排少行房!

·2 分鐘文章
裕美與林作昨晚笑笑口現身擂台戰,心情未受影響。
裕美與林作昨晚笑笑口現身擂台戰,心情未受影響。

林作與「富三代」鍾培生的「林鍾大戰」昨晚終極定生死,賽前網上流出疑似林作女友裕美的不雅片,片中長髮女子正跟男子進行親密行為。現身比賽場館撐男友的裕美,力斥放料者是「八婆」,有信心男友不會因而受打擊!

前港姐麥明詩的舊愛林作,與鍾培生因「抽水風波」引發的百萬擂台戰,醞釀了逾半年終在昨晚假九展上演「生死鬥」,鍾培生今年3月高調下戰書,只要林作在拳賽上打倒他,即奉上100萬元賞金。比賽前一日,他似乎想「玩大啲」,臨時加碼賞金,增加賽事的刺激性。

不過,比賽正式「開波」前有讀者爆料,指疑似林作女友裕美的床片在網上流出,雖然短片只得5秒,而且畫面漆黑一片,仍隱約可見一男一女進行「床上肉搏」,背向鏡頭、身穿上衣但下身赤裸的女子,動作三級,下方的男子發出陣陣呻吟聲,片末該女子突然回眸,眉形、鼻尖與面形都跟裕美有幾分相似。

鬧報料者八婆

裕美昨晚現身拳賽現場,對於捲入不雅片風波,她在電話中表現關心,不停追問:「同邊個呀?」、「咩人報料?」、「有啲乜?身材好唔好?」、「有冇片睇吓呀?」問有否拍過類似短片?她即爆Seed說:「近排行房都好少啦!我梗係冇拍過呢啲片啦!從來都冇,如果我身材好啲就話拍啫!好似蒼井空就話拍嚟開心吓,我都冇身材可以拍!」談及片中女主角有點似她,她哈哈笑說:「齋睇背脊都認得係我?全香港得我一個女仔長頭髮?」又笑言廿幾歲時沒有捲入桃色風波,想不到現時33歲,才做了「不雅片女主角」!

唔怕影響男友

問會否告知林作,她秒答:「一定會講佢知,等佢笑到碌地!(唔怕打擊到男友嘅比賽心情?)佢點會被打擊到呀!你太睇小佢喇!佢唔會畀人打擊到!」對於在男友賽前鬧出不雅片風波,會否覺得有人別有用心?她即大鬧:「呢啲咪八婆行為囉!做埋呢啲垃圾不如嘅嘢。」而林作上擂台前受訪,他在電話中心急地說:「冇所謂啦!我唔得閒回應,要準備上擂台喇!」說畢匆匆掛線。

床片女主角長髮飄飄,回眸時五官與裕美相似。
床片女主角長髮飄飄,回眸時五官與裕美相似。
裕美否認拍過床片,自嘲冇身材可拍。
裕美否認拍過床片,自嘲冇身材可拍。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能