林俊賢女兒林鈺洧奪香港小姐冠軍 過往仲有呢班星二代參選過

《2022香港小姐競選決賽》截圖
《2022香港小姐競選決賽》截圖

TVB年度盛事《2022香港小姐競選決賽》喺噚晚(25日)圓滿結束,佳麗們為求脫穎而出都喺台上努力表現自己,結果由「星二代」林鈺洧(Denice)成為冠軍,而亞軍及季軍就由許子萱及梁超怡奪得。其實過往都有唔少「星二代」參選港姐,而家就同大家重溫一下啦!

林鈺洧
今屆港姐由27歲嘅大熱林鈺洧奪得港姐后冠,呢位新鮮出爐嘅港姐冠軍係擁有四分一英國血統,爸爸就係無綫80年代小生林俊賢。身高1米76嘅Denice,遺傳晒父母嘅優良基因,擁有樣貌標緻及高挑身材,曾憑43吋長腿殺入model界,不過可惜星運平平,其後選擇轉行做售貨員。後來佢加入ViuTV參與過唔少電視及節目拍攝,例如《詭探前傳》、《對號入座》及《鬼同你上位》等等,佢喺《對號入座》嘅言論大膽、仲大爆自己性史,成功獲得網民關注,更被封為新一代「性女」。今次佢參選港姐原來不獲爸爸支持,奪冠後Denice被問有咩想同爸爸講,佢就話「好多說話想同佢講,當時問你我好無參選,你叫我唔好玩,而家攞咗冠軍,多謝。佢唔贊成我,但係而家,hello?」

林鈺洧
林鈺洧
林鈺洧
林鈺洧

關楓馨
關禮傑大女關楓馨(Fabienne)被譽為最索星二代,參選《2021年香港小姐選舉》時以大熱姿態殺入五強,可惜最後未能晉身三甲,只獲得「現場觀眾至Like佳麗奬」及「美麗掌門大獎」,不過咁樣都冇令佢放棄入娛樂圈嘅決心。加入TVB一年,佢已經獲得唔少演出機會,例如劇集《回歸》、未出街劇集《你好,我的大夫》、《再見·枕邊人》、綜藝節目《健康100錯》等等。

關楓馨
關楓馨
關楓馨
關楓馨

湯洛雯
來自演藝世家嘅「靚湯」湯洛雯 (Roxanne),叔叔是係無綫五虎湯鎮業,而爸爸就係湯鎮宗,所以喺2012年參選港姐時已經備受關注,可惜最終六強止步,只奪得「旅遊大使」獎項。雖然未能晉身三甲,不過佢極速加入劇組及成為《學是學非》嘅「是非精」,深得網民喜愛。之後,佢仲成為無綫力捧上位小花之一,演出機會不斷,上年更憑《一笑渡凡間》首次擔正做女一。

湯洛雯
湯洛雯
湯洛雯
湯洛雯

趙希洛
趙希洛(Candice)嘅媽媽係前藝員梁小玲,佢喺2007年參選港姐,最終五強止步。佢加入TVB後一直默默耕耘,多年嚟都係做配角居多,仲經常飾演癲婆角色,而且演得入型入格,因此被封為「無綫御用癲婆」,直至2019年佢終憑《金宵大廈》中憶子成狂嘅何太一角,成功低對手勇奪「最佳女配角」。

趙希洛
趙希洛
趙希洛
趙希洛

鄧上文
鄧英敏嘅囡囡鄧上文(Shermon)喺2005年參選港姐,只獲得「最上鏡小姐」。佢喺加入TVB後,佢除咗最為人熟悉嘅就係喺處境劇《高朋滿座》飾演高有情,另外佢亦喺多套劇集擔任配角,例如《ID精英》、《戀愛星求人》等等,不過佢喺2011年約滿離巢,逐漸淡出幕前。而佢喺2010年與澳洲初戀男友結婚,婚後移居澳洲並育有3子。

鄧上文
鄧上文

沈穎婷
沈穎婷(Winnie)係息影藝人李影嘅大女,佢喺2004年參選港姐,成為落選港姐後便加入TVB,可惜星途發展平平,只係憑2007年《學警出更》仲飾演學警藍詠詩而為人熟悉。Winnie喺2009年完約離巢轉投亞視,仲曾簽約英皇娛樂,可惜演藝事業未有好轉,佢以轉工為由提出解約,淡出娛樂圈。

沈穎婷
沈穎婷
沈穎婷
沈穎婷

王從希
王從希係已故知名演員王偉嘅囡囡,2003年參選港姐,當時憑驕人身材備受關注,可惜因捲入整容風波而備受爭議,最終大熱倒灶。加入娛樂圈後,佢除咗拍劇及拍電影之外,佢仲有推出寫真集。去到2016年,佢宣佈與內地公司簽約,進軍內地演藝圈。

王從希
王從希
王從希
王從希

楊寶玲
楊寶玲係粵語片的明星李雲嫦嘅女兒,1987年參選港姐,奪得冠軍及國際親善小姐獎。加入娛樂圈後,佢參與多套電視劇集及電影拍攝,例如《他來自江湖》、《蜀山奇俠》、《飛龍猛將》及《開心鬼救開心鬼》等等。去到1999年,楊寶玲選擇息影從商,更成為著名珠寶公司董事。

楊寶玲
楊寶玲
楊寶玲
楊寶玲

是日精選

人前人後兩個樣?鍾嘉欣加拿大被野生捕獲 網民:平時電視上nice是裝的

港姐2022︳老豆網上尋人先搵返林鈺洧 林俊賢人生經歷拍戲一樣

《2022香港小姐競選決賽》8號林俊賢女兒林鈺洧奪冠軍 香港小姐變鄉音小姐?網民:冇字幕聽唔明呀陰公

陳若思Amber《港女野人》將播出 選港姐前曾任Showgirl 為參選激減35磅

港姐2022|泳衣環節遭批評 曾志偉阿叻旦哥輪流還擊余黎青萍

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!