林子善婚前情慾對話曝光 同太太睇完「笑咗出嚟」
林子善上月初舉行婚禮,期間自爆與老婆董佩欣(Kary)曾一度分手,幸得對方一直不離不棄,最後終拉埋天窗。不過日前有報道指,林子善喺分手真空期力追一名圈中女藝人L小姐,更有兩人的情慾對話流出!睇睇子善同Kary點回應?
撰文:東方新地|圖片:東方新地、Instagram
林子善補擺喜酒
上月初,林子善與去年已註冊的太太董佩欣(Kary) 舉行婚宴,晚上兩人會見傳媒,子善表示原本只擺50圍,但因為太多親朋戚友俾面出席,所以加到63圍,預計婚禮支出約7位數!子善同太太同好識做,嘴對嘴錫足一分鐘俾大家影相!
新郎子善好眼淺
提到會與太太共度餘生,子善都忍唔住講到眼濕濕,佢表示唔想空口講白話,行動最實際,首先會照顧好自己身體、做好自己工作,咁先可以好好照顧太太,一齊走埋下半生。子善提到較早時未講愛的宣言已經喊晒,斟茶俾外父外母又好感動,自己好眼淺!
林子善與老婆一度分手
雖然兩人終成眷屬,不過林子善與老婆Kary曾經歷不少波折,子善自爆兩人曾一度分手,原因係女方家人催婚,令自己壓力爆煲;加上當時事業發展未如理想,唔想拖累Kary,希望對方可以搵一個更好的另一半。
今日520(((老婆)))💏 日日快樂身體健健康康💪 唔會因為今日特別愛你😂 因為一早已經許下承諾💍 天天愛你愛到盡😘😘😘
A post shared by 林子善 (@lamtszsin413) on May 20, 2018 at 1:12am PDT
香港深圳兩邊走~🏃♂️ 今日拍戲坐門口~😄 電影 #苟且不偷生 服裝 #timberlandhk 髮型 @daniel_y_cheng 攝影 #Kaff
A post shared by 林子善 (@lamtszsin413) on May 2, 2018 at 5:30pm PDT
曾力追圈中人L小姐
今日有報道指,林子善喺同Kary分手到復合的個幾月真空期,曾力追一位圈中女藝人L小姐,發動肉麻短訊和錄音攻勢,甚至帶埋對方去見鄭嘉穎等一眾《鐵馬尋橋》的好兄弟。據知鄭嘉穎等人仲叫L小姐做「阿嫂」,令其非常受落。
鐵馬兄弟祝大家新嘅一年人人🙏 身體健康,出入平安 步步高升,心想事成 大吉大利,一本萬利 金銀滿屋,從心所欲
A post shared by 林子善 (@lamtszsin413) on Feb 19, 2018 at 11:30pm PST
大哥!遲來的😶 生日快樂🎂 身體健康💪 長搵長有💵 快啲結婚💍
A post shared by 林子善 (@lamtszsin413) on Sep 17, 2017 at 8:46am PDT
情慾對話流出
報道更公開林子善與L小姐的錄音和短訊,如「經過昨晚0.01接觸,令我更加掛住你呢隻寶貝!」、「我正在床上,聞你殘餘的氣味。」等說話,令人嘩然。不過據知兩人拍拖個幾月後,子善認為與L小姐性格不合,加上好友唐詩詠力勸佢應該珍惜Kary,最終浪子回頭,與Kary復合。
A post shared by Nat (@natalietong53) on Apr 4, 2018 at 12:16am PDT
我愛嘅兩位妺妹都叫詩詠😂 補足返你哋兩位大帝生日🎂 祝你哋兩位日日快樂健康😘
A post shared by 林子善 (@lamtszsin413) on May 15, 2018 at 12:54pm PDT
林子善獲老婆信任
林子善回覆傳媒時,對此事直認不諱,更稱老婆Kary亦一早知道呢個女仔的存在,因為坦白的子善在跟Kary復合後,已將L小姐整件事和盤托出。早喺兩人婚前兩個月,呢位L小姐更透過facebook將子善與自己的對話內容send俾Kary,故子善對今次對話流出並唔意外。
雖然今日係(((母親節)))因為要工作陪唔到我最愛嘅三位母親,媽咪,外母,契娘…敬請原諒😅 喺呢度祝所有嘅媽咪日日開開心心,老公聽聽話話,子女孝順父母,一家人身體健康🙏2018母親節
A post shared by 林子善 (@lamtszsin413) on May 13, 2018 at 4:21am PDT
依個死傻仔,乖乖等埋位 今日扮雞仔,因為冇錢洗 網絡大電影:#苟且不偷生
A post shared by 林子善 (@lamtszsin413) on Apr 26, 2018 at 3:22pm PDT
唔打算開名
林子善又指,當時自己絕對唔係因為鍾意L小姐而同Kary分手,當時自己係單身,單身拍拖好正常,又唔係偷食。對於兩人拍拖個幾月就分手,子善就話最大的原因,係佢太掛住Kary!子善最後強調,佢同老婆的關係唔會因此變差,佢亦唔打算公開L小姐身份,唔想傷害對方,因為對方亦係圈中人,而且又未嫁人。
林子善同老婆睇完得啖笑
林子善好快在社交網站回應,表示同太太睇完單新聞都係得啖笑,心情並沒有受影響,而且事件其實已經係兩年半前發生,所以唔會再回應咁多。子善貫徹其鬼馬本色,貼上一段電影片段,正正係黃秋生講「我攞咗啲預防愛滋病嘅避孕套。」的電影片段!
A post shared by 林子善 (@lamtszsin413) on May 30, 2018 at 10:54am PDT
正印林太勸女方放低
林子善回應後,正印林太Kary亦在網上發聲,貼上與子善的甜蜜合照之餘,亦表示唔會受到呢件事影響,多謝大家關心,仲叫該位L小姐早日放低…
8對娛樂圈索爆姊妹花 鍾意家姐定妹妹?
中港台花旦片酬一覽 最高可達8千萬!
延伸閱讀: