林師傑與老婆歐陽巧瑩帶兩愛犬移民英國 不棄養舉動獲網民讚賞

林師傑 & 歐陽巧瑩
林師傑 & 歐陽巧瑩

前無綫藝人林師傑(Auston)及老婆歐陽巧瑩(Tammy)結婚三年,婚前婚後生活都非常恩愛。佢哋原來喺兩個月前已經移民英國生活,日前林師傑喺社交網站開live指喺英國多咗空間同時間,佢亦已經定下目標,希望可以有一個農場及經營B&B,同埋佢會繼續整理舊車俾大家租嚟用,享受郊外體驗。

而歐陽巧瑩喺噚日(6日)亦有喺社交網上載兩公婆帶埋愛犬搭飛機嘅相片,並留言話:「多謝大家關心!香港係我嘅根,從來都冇諗過自己會離開香港。記得三年前,結婚度蜜月人生第一次踏足歐洲,周圍都好靚,老公同我講:「第日想同你一齊黎呢啲地方生活」我記得我個陣答佢:「我真係太鐘意香港喇,冇地方比香港更啱我。」三年後,香港已經太荒謬,我好X傷心。有人選擇留低,有人選擇離開。我最後揀左離開,我想做嘅嘢,留喺香港真係做唔到,冇空間冇自由,希望大家明白。有緣人喺英國相遇記得同我地相認啦,大家互相支持,我可以整叉燒你食(係超好食)最後講一講點解張機場打卡相會係去瑞士,因爲我養左兩隻狗(八哥&芝娃娃),好多航空公司都唔運八哥,所以我冇得直飛英國,要先飛瑞士轉機法國,再喺法國搭寵物的士去英國,全程30個鐘,Billy & tado真係好叻好乖,好適應!(有關自己幫狗搞移民嘅詳情可DM問我)仲有,我好多有家庭嘅朋友想走但係話走唔到,其實要離開唔係想像中咁難,有機會拍條片同大家Q&A (例如total用左幾錢,搞左幾耐等等…)」。

唔少網民都紛紛留言祝福佢哋,例如「繼續好好生活 為自己夢想加油」、「祝福你兩位香港人」、「希望您地都開心健康」、「一路順風,加油」、「加油保重 願你倆平安幸福快樂」及「有緣再見♥️♥️♥️ All the best」等等。另外,亦有網民大讚佢哋移民不棄養。

林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩
林師傑 & 歐陽巧瑩

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!