林曉峰康子妮20歲大仔林寶日本留學變日系型男 被指撞樣彭于晏？

林曉峰（阿Lo）與康子妮（Lily）於2020年結束18年婚姻，雖然婚姻走到盡頭，不過佢哋依然會見面，及共同照顧一對兒子－林寶和林熙。現年20歲嘅大仔林寶，喺上年5月已經前往日本名古屋讀書，而佢嘅近照睇落成熟咗好多，仲被網民讚係日系型男。

爸爸林曉峰較早前飛往當地探望囝囝，而同行嘅仲有林珊珊嘅囡囡「西瓜」李澄和「野人」李怡，一行四人喺日本吃喝玩樂，睇嚟玩得非常盡興；而當時表姐野人就有喺社交網站上載與林寶嘅合照，不過為免引起誤會，佢都有喺網上澄清林寶係佢表弟，唔係佢男朋友。

近日兩位表姐西瓜及野人帶埋姑媽林珊珊，再一次前往日本旅行，野人亦有喺社交網站上載旅行靚相及與與林寶嘅合照，並留言話：「It’s my cousin @boblmb 每年都要澄清一次，係我表弟呀！」

相片中嘅林寶變得成熟，留有一頭捲長髮，著上恤衫領呔加毛領外套，衣着打扮睇落非常講究，變成「日系型男」，仲同初出道嘅彭于晏有幾分相似，星味甚濃！網民睇完佢哋嘅合照後，紛紛留言大讚林寶靚仔，例如「好有型！」、「表弟好靚仔」及「好有日劇嘅feeling」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！