林穎彤孭逾十萬名牌手袋:我都做咗好多年嘢

林穎彤孭逾十萬名牌手袋:我都做咗好多年嘢

「無綫小花」林穎彤(Bella)最近續約代言人又密密做,仲忽然富貴狂晒過十萬名牌手袋,真係睇到女士流晒口水。當年林穎彤出世不久,親父因婚外情拋妻棄女,當時母親一個人帶9歲家姐同1歲林穎彤喺葵芳天橋行乞,相當慘情。依家林穎彤成功入屋,事業有出頭天,生活亦大有改善,最近佢就明顯富貴,原本打扮貼地嘅佢,社交網頻頻晒出多個唔同奢侈品牌嘅貴價手袋,加加埋埋真係至少過十萬。對於被指忽然富貴,Bella回覆東網時表示:「都唔係富貴。我都做咗好多年嘢,嚟緊又有新方向,想搞好網上嘅節目,所以咪買吓嘢氹吓自己。」

林穎彤依家有人追,仲有好多工作機會。
林穎彤依家有人追,仲有好多工作機會。
儲夠錢可以周身名牌。
儲夠錢可以周身名牌。
留意番,佢啲手袋都係冇重覆嘅。
留意番,佢啲手袋都係冇重覆嘅。
加加埋埋都十幾萬。
加加埋埋都十幾萬。