林芊妤Coffee與3歲囝囝浸浴照惹網民熱議:男&女嘅身體唔一定同性&色畫上等號

·2 分鐘文章
林芊妤Coffee
林芊妤Coffee

林芊妤(Coffee)日前與3歲囝囝「伯伯」到酒店Staycation,同時分享與「伯伯」望住海景浸浴嘅合照,寫道:「nice view」,不過呢張相就引嚟網民爭議。有網民表示驚訝,指Coffee唔應該仲同3歲大囝囝一同浸浴,仲留言:「大個仔了,仲同媽咪赤裸相處」、「其實真係唔好再同個仔一齊沖涼,距(佢)已經有意識,影響唔好」。

不過亦有網民力撐Coffee,認為呢件事好浪漫,表示只見到一對甜蜜母子享受浸浴:「我睇到呢張相只係諗到靚景靚媽同埋好溫馨咋喎!點解某啲人會覺得色色嘅呢?父母同孩子之間嘅感情同埋感覺係好pure,如果有邪念嘅唔該去睇吓心理醫生啦!」、「充滿愛既畫面」、「同媽咪沖涼邊有問題,咁媽媽出街拖住佢,2個出街都一定同一間廁所,唔通仔仔要自己企出面唔望得媽咪?話你既人一定無湊過小朋友/身邊無小朋友,唔洗理佢地!!」等等,仲有唔少網民都將焦點放於「伯伯」身體肌肉線條之上。

Coffee回應網民留言指:「真係睇唔出同三歲嘅仔浸浴有咩問題,不過每個屋企都有唔同嘅觀念,我會用自己認為適當嘅方法去教導佢,但我都好想講男&女嘅身體唔一定同性&色畫上等號。呢張相我只係聯想到好lovely Thanks for understanding。」商台DJ Choco亦喺自己IG Story表示支持Coffee:「與其花時間鬧人哋同個仔沖涼,意識不良,不如教好自己個仔先啦,啲港女Staycation個個曬浴衣照又床照你又唔鬧,你老公IG分分鐘都係睇梗呢D架咋」,仲#hashtag「咩人睇咩野」;Coffee轉發Choco嘅IG Story,表示多謝,同時叫大家放心:「放心我冇事,因為我唔會俾小部分人想法影響我嘅心情,自己知道冇問題就可以。」

林芊妤Coffee
林芊妤Coffee
林芊妤Coffee
林芊妤Coffee
林芊妤Coffee
林芊妤Coffee
林芊妤Coffee
林芊妤Coffee
林芊妤Coffee
林芊妤Coffee

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能