林鈺洧被指秘撻馬清揚 經常出入男方豪宅 前妻錢慧儀直言離婚手續未完結

2022年香港小姐冠軍林鈺洧（Denice）日前傳出與1981年港姐亞軍錢慧儀前夫馬清揚密會，有報道指林鈺洧不時與馬清揚出席朋友聚會，指二人交往係人所共知嘅事。對於二人秘撻一事，林鈺洧暫時未有回應，但馬清揚就向傳媒透露自己係單身狀況，並指與林鈺洧係喺慈善活動認識，大讚對方純品，又希望傳媒可畀空間對方。不過，林鈺洧被爆出經常出入馬清揚豪宅，而馬清揚前妻錢慧儀亦對事件有意見，並指離婚手續未完結。

馬清揚與錢慧儀於1995年結婚，育有兩子一女，2018年有傳馬清揚秘撻烏克蘭金髮女模Ksenia B，馬清揚否認，但又再傳出錢慧儀要屈居無窗細房嘅傳聞，27年婚姻破裂，就事件多次進出家事法庭，不過錢慧儀日前就向傳媒透露指離婚手續其實未完全搞掂，同時指每個月都拎唔夠生活費，令到要調理身體嘅佢經濟拮据；又指曾有幾個月對方都無畀生活費佢，連醫生都睇唔到。對於林鈺洧被爆出入馬清揚豪宅一事，錢慧儀表示三名仔女受到最大影響。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！