柳俊江離婚一年再遇真愛 新歡為「跳高女神」楊文蔚經理人

前TVB新聞主播柳俊江上年9月涉與太太雷康怡（Florence）男友人打架被捕，被爆婚變，及後柳俊江喺社交平台默認結束10年婚姻關係。回復單身嘅柳俊江噚日（17日）就發佈照片兼低調宣佈新戀情，新歡仲係香港女子跳高運動員兼模特兒楊文蔚經理人Grace。

柳俊江所分享嘅照片由佢負責揸機，Grace依偎住佢身軀，柳俊江亦寫上拉丁語：「Carpe Diem（及時行樂）」。Grace係海帆娛樂Alala Entertainment經理人，旗下運動員有「跳高女神」楊文蔚與空手道運動員鄭子文；而佢同柳俊江嘅戀情絕對係有跡可尋，柳俊江早喺上個月IG限時動態發佈與一名女子約定手勢嘅照片，留言：「以後，還請多多指教。」又引述Netflix劇集《紙房子》對白：「人們總以為，一生只會遇到一次真愛，他們卻不知道，人可以擁有好幾段人生。」不過，其實Grace今年7月生日舉辦派對，柳俊江已經有出席仲企喺一旁甜笑望住Grace吹蠟燭，從二人不時分享嘅生活照入面亦見到電視櫃及按摩椅款式相同，疑似已發展至少3個月兼同居。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！