梁凱晴過檔HOY TV派性感比堅尼靚相宣傳新節目 網民暴動:流鼻血啦!

梁凱晴
梁凱晴

台妹梁凱晴(Nina)係前無綫J2台旅遊節目長駐台灣主持,除咗樣子甜美之外,擁有1米7高、43吋長腿及34D豐滿上圍,深得網民喜愛,被封為「長腿旅遊女神」。佢喺今年8月突然宣布離巢效力5年嘅無綫,不過就未有透露發展動向。去到近日終於有消息啦,原來佢已經過檔HOY TV,而佢主持嘅節目《亞洲TOP TEN》近日播出,梁凱晴亦有喺IG出多個PO宣傳,當中不乏性感泳衣照。

梁凱晴離開TVB後,過檔HOY TV主持全新節目《亞洲TOP TEN》,而佢就喺IG出多個PO為節目宣傳:「來啦來啦讓各位粉粉們久等了 凱晴在香港的新節目出來啦」及「看完麻辣鍋之後今天就是十大泳池啦 原來台灣的泳池這麼厲害 大家記得今天晚上9點 HOY TV 77台 不見不散喔」等等,梁凱晴同時不停派福利,上載多張性感比堅尼泳衣靚相同網民分享,唔少網民都留言大讚索,例如「美翻惹啦」、「流鼻血啦!」、「嘩啦啦!又派福利了」、「凱晴好靚」、「嘩身材好正啊」、「好靚女,愛你」及「嘩,以前都只露腳,現在導彈式宣傳」等等。

現年26歲嘅梁凱晴來自台灣,爸爸係移居台灣嘅香港人,而媽媽就係台灣人。甚有語言天份嘅Nina,精通廣東話、普通話、英語及阿拉伯語(大學時主修)。另外,Nina喺大學時期係肚皮舞社社長,仲曾經喺台北世界大學運動會開幕禮中表演過肚皮舞,熱愛運動嘅佢仲鍾意瑜伽、跑步同潛水。Nina入行三年,已經主持過唔少旅遊及飲食節目,代表作品包括《背包女行》、《玩起來》、《小滋女孩》、《出走地圖》及《台灣原味道》等等。去到今年8月,佢宣佈離開無綫,最近就過檔HOY TV主持節目《亞洲TOP TEN》。唔止幕前事業,佢亦開設個人影片頻道,積極發展其KOL事業。

梁凱晴
梁凱晴
梁凱晴
梁凱晴
梁凱晴
梁凱晴
梁凱晴
梁凱晴
梁凱晴
梁凱晴

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!