楊偲泳嫌張振朗浪漫欠奉

楊偲泳
楊偲泳

藝人楊偲泳(Renci)與甄吳露茜(Luxi)昨日出席活動,Luxi透露仍未約男友Lokman何時慶祝情人節:「未知佢工作行程,唔一定嗰日先慶祝。」又稱會交換禮物,大讚男友浪漫,會自製情人節賀卡:「收過一張好勁嘅卡,一拉出嚟好多機關彈出嚟,睇唔出佢咁有心思,我收到都嚇親。」

Renci非常羨慕Luxi男友如此浪漫,笑言自己男友張振朗是含蓄型:「佢OK啦,都有送啲卡,不過冇乜特別。(親自寫?)一句半句囉,我唔知係咪佢寫喎,哈哈!」她指未來一個月忙宣傳及做訪問,男友亦有工作在身,情人節只好各自孤獨度過。

Luxi讚男友浪漫滿分。
Luxi讚男友浪漫滿分。