楊千嬅台慶表演被翻炒 歌唱老師點評唱功唔合格

《萬千星輝賀台慶2020》影片截圖
萬千星輝賀台慶2020》影片截圖

楊千嬅喺1995年參加第十四屆新秀歌唱大賽入行,原定舊年25周年嗰陣舉行紅館跨年演唱會,但因為疫情緣故而順延一年至今年年底,不過近日就有傳佢決定放棄呢個黃金檔期。日前,歌唱老師Calvin就喺個人影片頻道點評楊千嬅上年年尾喺《萬千星輝賀台慶》嘅歌唱表現,直指以一個資深歌手嚟講,楊千嬅嘅演出唔合格:「實在有啲聽唔落去。」

Calvin老師指出,一直都覺得楊千嬅唱歌正正常常,算唔上特別好,但係呢次就有好多走音同埋音準問題發生,一班網民亦紛紛留言指Calvin老師講得好好,楊千嬅唱live一向都係咁嘅水準:「水準從來無好過,唱live堅唔掂」、「呢堆歌佢唱左幾廿年都仲係咁嘅水準」、「楊千樺一向唔係咩實力派,當年佢參加新秀已經走哂音」、「聽楊千樺唱歌簡直係受罪」及「佢不嬲現場唱都走音啦,成日以扮笑或者扮喊帶過就算,唱歌超難聽」等等。

其實早喺舊年《萬千星輝賀台慶》播出時,楊千嬅已經畀網民狠批,唔單止話佢著黑衫去賀壽,仲要揀埋《少女的祈禱》、《飛女正傳》、《假如讓我說下去》3首悲情歌,唱功相當趕客,甚至畀佢嚇親:「第一粒音就走音,保持水準」、「聽聽下真係好驚佢會突然間暈地斷氣」、「仲以為汪亞姐出嚟唱少女的祈禱,慶祝TVB台慶⋯⋯」、「三首歌走曬音先叻,你覺得樂壇有邊個可以做得到?」、「你哋唔好再鬧佢啦,同一首歌唱咗10幾年都可以走音,唔係一般人可以做到,難怪佢係大明星」及「唱到似去喪禮多過慶祝生日」等等。

播出翌日,有網民更將楊千嬅當晚表演配上《全民造星III》卓韻芝用嚟閙參賽者嘅說話︰「你點解唔聽下自己唱?」、「剛才的一分鐘我是好難受」嘅畫面製成影片,影片畫面內容仲包括楊千嬅喊住講︰「我咩都冇,心口得個勇字」連接埋卓韻芝一句金句︰「唔好啦!」,其他網民大讚樓主剪得太好:「佢D高音真係世界級」、「柒到冇眼睇」、「走音呀華大媽!」、「笑死,有無心幫無線表演比人睇呀!三盞紅燈,請你離開啦!!」等等留言。

《萬千星輝賀台慶2020》影片截圖
《萬千星輝賀台慶2020》影片截圖
《萬千星輝賀台慶2020》影片截圖
《萬千星輝賀台慶2020》影片截圖
《萬千星輝賀台慶2020》影片截圖
《萬千星輝賀台慶2020》影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!