樂瞳疑真空上陣試用精華油 離巢TVB大派性感福利惹網民大讚

35歲樂瞳（Cilla）2017年離開無綫電視，轉戰網上洋酒生意，親力親為送貨。一向童顏、身材好嘅樂瞳亦不時接拍唔同產品廣告；日前佢就喺IG限時動態分享試用精華油短片，不過有網民懷疑樂瞳真空上陣，而該短片未足發布24小時就已下架，未知係咪樂瞳自行刪除。

著上一身灰色露腰、胸口綁帶設計裝束嘅樂瞳一邊示範精華油，一邊介紹：「搽啲去後腰同前面子宮位置，咁就可以暖宮，唔會M到時覺得好唔舒服，但要Keep住早晚好勤力咁搽。」樂瞳仲不時烏低身向鏡頭介紹，認真落力，不過網民發現樂瞳疑似真空上陣，令網民連番留言討論：「人靚身材正」、「博出位」、「其實都幾醒」、「好有誠意」等等。

有網民亦留言話，特登搵埋樂瞳其他相先知原來佢咁有「事業心」，大讚保養得宜，係真正嘅童顏巨乳。其實樂瞳不時都會喺IG分享泳衣照以及一啲性感造型照大派福利，就好似農曆新年時著上粉紅色超短旗袍曬白滑長腿，又成日著埋晒胸前穿窿設計嘅上衣影相，有意無意大騷豐滿上圍。其中，樂瞳有次分享著上胸前穿窿上衣用餐嘅照片，令一眾網民錯重點，紛紛留言：「唔好意思，我視覺唔係個食物」、「觀感一流」、「犯規呀～～咁樣仲邊有心機食野，齋望都夠晒飽」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！