歐洲熱浪 意大利接近50度破歐洲歷史新高
大家都應該好清楚感受到香港今年有幾熱,溫度自6月開始已經不斷升高,但凡只要於戶外活動一定會全身濕透。不過原來遠在歐洲一樣受到熱浪侵襲,前幾日於意大利就錄得48.8度,唔單止係意大利有史以來新高,甚至打破1977年時瑞典嘅記錄,成為歐洲最高溫日子。
此次高溫於意大利西西里島一所監測站錄得,有如此高溫全因為一股猛烈熱浪穿過地中海,以致意大利、希臘、土耳其一帶出現持續高溫,當局亦已進入緊急狀態。有氣象學家話極端氣候引發高溫已經係不可避免,除咗歐洲南部及北非之外,北半球亦面臨嚴重熱浪,包括加拿大、美國西部、俄羅斯、北歐等國家亦然,相信高溫記錄會不斷被打破。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: