【歡樂滿東華】藝人危險表演 吳剛飲「滾油」原來出術 梁朝偉食玻璃吞埋落肚

·4 分鐘文章
【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋

星期六又係一年一度嘅《歡樂滿東華》!以往東華show係TVB台慶以外年度大製作,一線大星例必捧場,仲有唔少藝人負責高難度場面,睇到好緊張。呢幾段,過咗咁多年都仲好有印象︰

吳剛食炭飲滾油

【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋
【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋

亞視出身嘅吳剛,90年代跳槽TVB,話咁快就被委以重任,升呢成為「吳剛師傅」,喺《歡樂滿東華》負責搏命演出。1990-96年,吳剛師傅喺《東華》年年都有新招,最經典當然係首次登場嘅食燒紅嘅炭,兼且喺油鑊徒手裝滾油入杯,隨即飲埋,睇到全港觀眾嘩嘩聲!不過前TVB高層劉天賜(賜官)就踢爆,嗰一鍋滾油係加咗硼砂,睇落滾熱辣,實際只係得五六十度。

梁朝偉食玻璃

【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋

1984年嘅《東華》,有因為《新紮師兄》當時得令嘅梁朝偉做一個好簡單嘅表演︰吞玻璃!表演前梁朝偉先將玻璃敲碎,再揀一小塊出嚟劃穿一張紙以證明係真嘢,食嗰陣仲擺支咪埋咀邊,等觀眾聽清楚冇花假,主持之一嘅嘟姐都叫同事拎定杯水俾偉仔!結果梁朝偉咬碎晒塊玻璃仲吞埋都面不改容,但究竟食嘅係咪糖膠玻璃就無法考究喇。

楊盼盼23層大廈外牆飛奔

【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋

武打女星楊盼盼係八十年代《歡樂滿東華》賣命演出嘅主力,退隱多年後佢又喺2000年《東華》獻技,今次做嘅係由樓高23層嘅金鐘聖約翰大廈天台,沿外牆游繩步行飛落地下,即使有晒威也,但都夠觀眾睇到一額汗。賜官回想起八十年代一次楊盼盼嘅《東華》演出,本來講好要吊威也以策安全,點知環節直播出街前,盼盼姐唔裝安全設備,因為對自己有信心喎!犀利~

許秋怡塞入20吋電視 抖唔到氣

【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋

細細粒嘅許秋怡自細學習粵劇功架,可能因此身手柔軟,於是1994年《東華》有個環節,係要許秋怡將自己塞入舊式20吋電視機機殼入面!雖然睇落冇咩危險,但係當時為咗證明電視機殼下面唔係有空間偷雞,節目組將成架電視機吊起,司儀之一曾志偉仲遞咪問許秋怡問題,點知秋怡第一句就講「我抖唔到氣呀」,嚇到幕後人員立即放低部電視機,等秋怡極速「獲釋」。

廖啟智著高跟鞋踩鋼線

【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋

踩鋼線已經難,仲要著高跟鞋踩?!1990年「智叔」廖啟智喺冇吊威也嘅情況下做呢個表演,只係拎住2把遮做平衡,而條鋼線起碼離地成層樓咁高,安全措施可能只有下面幾張墊褥。成個過程全場屏息靜氣,後來成為「智嫂」嘅陳敏兒喺旁邊睇到好肉緊,好在順利完成。

【歡樂滿東華】藝人危險表演 吳剛飲「滾油」原來出術  梁朝偉食玻璃吞埋
【歡樂滿東華】藝人危險表演 吳剛飲「滾油」原來出術 梁朝偉食玻璃吞埋

(部份圖片來源︰Big Big Channel)

【相關搜尋】Yumiko《歡樂滿東華》空中甩褲

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能