氹囡囡早啲瞓 陳展鵬食壯陽補品 大戰單文柔360回合

視帝陳展鵬昨日出席活動，揚言情人節會跟太太單文柔大戰360回合，又笑指會食鹿尾羓補身，看來有意積極造人，相信女兒小豬比很快榮升姐姐。

昨日情人節，陳展鵬、陳山聰、唐詩詠及姚子羚等宣傳無綫熱播劇《鐵拳英雄》，期間詩詠及子羚玩遊戲，閉上眼睛撫摸全場男藝人腹肌及臀部，場面搞笑。

問展鵬跟太太單文柔如何慶祝情人節？他笑言：「都係困獸鬥，只可以喺屋企大戰360回合，但要等個女瞓咗覺先，佢愈遲瞓我哋嘅二人世界時間就愈短。」又稱會親自下廚，考慮煲鹿尾羓及當歸等補品。對於有傳馮盈盈被飛出《逆天奇案》續集，身為該劇主角的他稱仍未收到通知：「可能我被飛或變客串呢！係咪佢之前太忙？女仔需要多休息，見到面會問吓佢。」而單文柔早前在社交網上載夫婦的甜蜜照，她接受電話訪問時表示：「早幾日佢話有個地方嘅芒草好靚，提議去影輯靚相，佢嘅Sweet通常係表現喺平日。」

唐詩詠靜待Mr.Right出現

同樣身為人夫的山聰亦計劃煮幾味：「本來諗住送花畀太太，但太太話唔好，佢想環保啲同慳錢，話留番啲錢買餸，我準備煮羊架同開支靚紅酒。」至於兩位單身女士詩詠與子羚只能以貓狗為伴，詩詠坦言疫情嚴峻，就算有人邀請也不會應約：「今年係最平靜一年，我會靜靜等Mr.Right出現。」而子羚指愛犬永遠是第一位：「網上話單身嘅人星期一係難捱啲，但我都習慣咗，單身都冇問題。」