江伊晴隨興造人零限制

江伊晴（Elanne，前名江若琳）於2014年與前經理人公司因合約糾紛對簿公堂，事隔6年，她宣布改名並簽約新經理人公司，直言已抹走過去不開心的經歷，重新出發！

Elanne之前與經理人公司爆出合約糾紛，有指當年她與寰宇簽下15年合約，首10年為死約，之後5年寰宇有使用權，即寰宇若想繼續合作，Elanne不能推辭。她履行10年合約期後，主動要求結束賓主關係回復自由身，惟雙方各執一詞，最終對簿公堂。

抹走不快舊事

事隔6年，Elanne突然宣布改名「江伊晴」並簽約新公司，意味一切重新出發。問到與舊公司的合約糾紛是否告一段落？她說：「只展望將來，舊事不想再提。依家希望開開心心去面對，基本上過去唔開心嘅經歷，我已經抹走咗。」記者聯絡上寰宇電影老闆林小明，他表示：「15年合約已完，所以佢可以簽新公司。（官司完結？）未完，只係未排到期，估計要排到明年中審。」

陷抑鬱體會真愛

Elanne坦言簽約新公司是慎重的決定，大前提是可以在無壓力的情況下，做自己想做的幕前工作，並可兼顧貓酒店的生意。問到是否延遲造人大計？她說：「唔係，呢方面好大自由度。我仲可以適當咁分配時間喺事業同家庭上。」她感激老公蕭唯展無限支持：「佢喺情緒上、負面事情上救咗我出火坑，佢係一個開心、樂天嘅人，同佢一齊可以忘記晒所有煩惱。」

她坦言因官司纏身而患上抑鬱：「有次半夜起身食藥，老公見到就好嬲咁掟咗落垃圾桶，叫我唔可以長期依靠藥物，話有咩事一齊面對，嗰刻覺得自己冇揀錯人。」