法證先鋒5|袁偉豪不滿傳媒一事疑被《愛·回家》抽水 蔡思貝提議乘機入劇組演返自己

法證先鋒5|袁偉豪不滿傳媒一事疑被《愛·回家》抽水 蔡思貝提議乘機入劇組演返自己
法證先鋒5|袁偉豪不滿傳媒一事疑被《愛·回家》抽水 蔡思貝提議乘機入劇組演返自己

袁偉豪上月推出新歌《馬路英雄》,並擔任歌曲作曲、作詞及編曲人,歌曲被指超級洗腦。日前袁偉豪接受TVB娛樂新聞台節目《Star Talk》專訪宣傳新歌,又提起自己近年慘成箭靶致壓力。袁偉豪自從與張寶兒結婚後便被冠以「三億駙馬」之名,又遭網民評擊走樣及未夠資格出任TVB藝訓班導師指導金像獎最佳男配角得主馮皓揚,各大傳媒都有相關報道,令袁偉豪感不滿:「我欠咗你哋班傳媒?」而日前處境劇《愛•回家之開心速遞》疑似將袁偉豪不滿傳媒一事擺上枱。

《愛·回家之開心速遞》上周五(18日)播出第1780集「KC欠甚麼」,劇情講述KC因節目腰斬,傳媒報道指腰斬原因係因為佢做得太差,於是KC就向記者大鬧:「我而家欠咗你班傳媒呀?」唔少觀眾睇到呢幕都覺得節目明抽袁偉豪水。而同日,袁偉豪又於IG發文不滿媒體往往錯重點:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大 ?」袁偉豪日前出席《法證先鋒V》活動時就回應指無睇到該集,只睇到傳媒轉載嘅報道,表示「我唔知佢哋係咪寫到無題材,要搵啲題材寫吓!」又指覺得好小事,無傷大雅,幫到件事就開心,不過就話會搵編劇傾吓偈。而拍檔蔡思貝全程於旁邊放空,被網民取笑似搭枱;不過蔡思貝有一刻突然回魂,笑住向袁偉豪提議可乘機加入《愛·回家之開心速遞》演返自己嘅角色。

袁偉豪又被黃宗澤及洪永城取笑係「面癱刑警」,有機會做「面癱視帝」,袁偉豪就解釋係因為所飾演嘅角色無咩表情:「我個角色係長期唔夠瞓,所以唔會有精神,冇精神自然冇乜笑容,而且我飾演嘅係一個警察,有警察嗰種尊嚴,唔會嬉皮笑臉。」

《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《愛·回家之開心速遞》截圖
《愛·回家之開心速遞》截圖
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!