渣哥將全線結業 市民冒雨排隊幫襯 「希望渣哥保重」|Yahoo
【Yahoo 新聞報道】前港姐冠軍譚小環及丈夫「渣哥」蔡強榮開業餐廳「大渣哥」昨日(5月29日)宣佈全線結業,「大渣哥茶記」及「渣哥一九九六」將分別營業至六月中旬及七月上旬。今日午市大渣哥大排長龍,有食客明言前來告別,指現時飲食業維持生計不易,「見佢執笠專登嚟食多次」。
昨日大渣哥於 facebook 專頁發文,指「時光飛逝,轉眼十年!相知相遇,感恩沿途有你!縱然萬般不捨,終須一別!香港人!珍重再會。」大渣哥茶記及渣哥一九九六將撤出香港。據記者所見,即使今日九龍灣中午下雨,午膳時間亦有十數人冒雨排隊入座。
食客 Angus 與數名同事一同前往,數人得知大渣哥即將結業,均有共識今日前往午膳,即使下雨也來光顧。他坦言自公司推行在家工作制,每周只需到九龍灣上班一天,故不算是熟客,同事均希望把握機會,趁在九龍灣上班的日子幫襯。
「專登帶個仔過嚟,聽晚就飛返加拿大」
對於大渣哥結業,他指近期香港飲食業倒閉潮嚴重,「同啲同事都講笑,話(餐廳)執吓執吓就嚟要自己帶飯」,對大渣哥結業感到出乎意料,「因為不嬲都好多人排隊,唔知係咪租愈來愈貴」。Angus 指亦希望向渣哥「講聲加油,因為飲食業好難做,而家呢個時勢個個放假都返大陸,邊度平啲人就去邊度」。他續指,內地餐飲亦比過去十數年有所進步,對香港餐廳來說屬更大競爭,「以前覺得大陸衞生環境無咁乾淨,而家完全唔同,人哋真係急速進步緊」。
已移居加拿大的李小姐近期回港探親,昨晚得知大渣哥結業的消息,「今日專登帶個仔過嚟,聽晚就飛返加拿大」。她指移民前居於九龍灣區,「未走之前都成日嚟食佢,weekend 就會過嚟,食個早餐……食個感情,都 ok 嘅」。對於大渣哥決定全線撤出香港,李小姐直言「其實都預咗,呢度都不宜久留」。李小姐亦有留意網上有傳聞指渣哥與妻子譚小環會移民加拿大,笑言「OK㗎!我支持喺加拿大開茶餐廳㗎!」並向渣哥寄語:「喺加拿大等你!」
不願上鏡的陳先生指昨晚得知大渣哥將要結業,特意再次到來幫襯,對大渣哥結業感到婉惜,「希望渣哥保重」。