港女講日：日本女生Pose演化史 從1684年睇到2016年

唔知幾時開始，影相識唔識擺Pose／擺咩Pose，同你著咩衫一樣，直接反映你個人的潮流觸覺，要是你而家重係擺V字手勢又或「瞓街相」，係日本只可以話你「時代遅れ」，單單睇漢字相信大家都估到咩意思，即係話你同時代落後，Outdated呀！

但唔知點解Pose呢樣嘢，總係由日本或韓國帶起，港女們一向只能跟人口水尾。尋日Docomo × snow就襯日本畢業月份推出這條全新短片，搵嚟日本JK(女高中生)穿上唔同年代嘅校服，演繹由1684年至2016年日本不同時期流行的pose，大家一齊睇下！

1684年： 回眸一笑

此為日本江戶時代，當時的校服為「着流し」（ONE PIECE式的和裝），由於穿上和裝的女生都要保持儀態，所以呢個回眸一笑，係當時最流行的Pose。

1915年：手指放唇邊

大正時代女學生以和服配袴、頭系絲帶、腳穿皮鞋成了當時女生的經典造型。風格類似櫻花大戰女主角，咁Cute的服裝，最好將手指放唇邊，配合含蓄的表情便Perfect。

1970年：Bad Girl路線

直到1945年，二戰結束後水手服逐漸復甦。呢個時期正式進入水手服的鼎盛期，一個二個都走呢種「スケバン」的Bad Girl路線，Chok爆表情咁影相。

1980年：雙「V」

日本少女偶像穿著水手服出現係大眾眼前，而當年超級偶像松田聖子亦帶起呢一款「聖子頭」髮型，配合雙「V」Pose。

1995年：涉谷系湧現

當時九成女高中生穿泡泡襪，即使學校禁止，大家放學後會偷偷將直筒襪變成泡泡襪。此時皮膚較黑、啡髮的涉谷系女生開始出現，全部走辣妹路線。

2000年：白辣妹

當黑辣妹愈玩愈可怕，GAL第二代教主濱崎步將時代改變，以白皙的皮膚、淺金色的頭髮現身，日本正式進入白辣妹（白ギャル）時代，加埋一個鴨嘴Pose，日本女生終於走返Cute Cute路線。

2008年：牛奶妹式伸脷

女高中生們為了好看而將制服裙改短，而直筒襪亦回歸。最常見的Pose係牛奶妹式伸脷。

2015年：輕輕托腮

日本私立學校比公立學校要好，所以大家要轉型做乖乖女，很多女生開始穿回及膝的直筒襪。輕輕托腮又可遮包包面，又有含蓄效果一舉兩得。

2016年：心型手勢

日本都受到韓風影響，最流行心型手勢，加上中短的清爽髮型，最能突出年輕、入流的表現。

相片來源：網上截圖