游嘉欣教追求者送花加分

游嘉欣愛收花,各位男士識做啦!
游嘉欣愛收花,各位男士識做啦!

藝人游嘉欣昨日現身花卉展,吸引大批龍友到場「獵艷」,她更即場跟師傅學影花,大叫好玩!她自言是首次踏足花卉展,並自爆愛收花:「收花係件好浪漫嘅事,不過我未收過異性送嘅,反而之前有個開花店嘅女影迷親手整咗花束送嚟屋企,搞到我好感動!(送花追你係咪易啲?)我諗係,起碼氹到我開心先啦,機會加一成!」

她表示下月將回歸劇組,夥拍吳偉豪拍新劇:「劇內我要揸車,自己啱啱考完筆試,但未開始正式學車。(對考牌有信心?)係,我性格比較謹慎,會係好安全嘅道路使用者。」