湯洛雯榮升人妻容光煥發出席婚後首個活動 開心大派雙封利是 暫時專心工作未有生B計劃

在去年年底榮升「馬太」的人妻「靚湯」湯洛雯（Roxanne），今日出席婚後首個公開活動，率先參與商場新年主題活動，Roxanne一到現場就立即與一眾超人氣卡通朋友開心打卡！她表示最喜歡「『心』鎖情人橋」，更笑言要換領「祝福心鎖」掛到情人橋上，將先生永遠「鎖」在心裡，人妻「靚湯」可謂幸福滿瀉，相信她先生一定心甘情願、義無反顧被「鎖」！

「靚湯」今年更首次以「馬太」身份大派利是，笑言：「以前都會派吓開工利是，但今年就要派雙封，感覺又唔同啲嘅。」更說預備定六位數字，所以會更努力賺錢，而「靚湯」又手持揮春跟大家率先拜年，希望可以為大家送上新年祝福！「靚湯」亦指十分期待婚後第一個新年，她說：「因為係結婚後嘅第一個農曆新年，我已經買咗唔同嘅新年裝飾佈置屋企，當然唔少得利是封，想『逗』利是就要記得嚟搵我同先生拜年啦！」

談到新婚生活時，Roxanne表示好開心好享受，又說：「先生對我同屋企人都好好，愛屋及烏。」被問到生B計劃，Roxanne表示暫時未有打算，想先好好享受二人世界到不同地方旅行，甜笑說：「大家工作都好忙，一切隨緣！」