湯洛雯病從口入 食錯嘢腸胃炎發高燒

藝人湯洛雯（靚湯）本月初慶祝37歲生日後回復人妻生活，未知是否處理家頭細務太操勞，近日「打敗仗」，在社交網上載一張體溫計照片，顯示她發高燒達38.4度，相中附有含着探熱針的公仔圖案。

靚湯接受東網訪問，透露因食錯嘢導致腸胃炎，幸而現時情況已有好轉。問到老公馬國明可有貼身照顧？她笑說：「我自己呢排唔係太忙，可以休息吓嘅。」並指因身體抱恙，至今仍未探望生完BB的好姊妹朱千雪，有意待康復後，日內再前往探望。