漢榮書局木頭車起家 服務學子半世紀光榮結業 店長石漢基：為家長留下美好回憶

【Yahoo 新聞報道】教科書店龍頭「漢榮書局」總被網民盛讚「沒有買不到的教科書」。漢榮屹立旺角52年，從一輛木頭車擴展至4000平方呎門市，曾經引入平價教科書助基層學生，多年來以存貨齊全聞名，成為學子「撲書」勝地。現年72歲、書局第二代掌舵人石漢基接受《Yahoo 新聞》專訪時指，疫情令員工壓力大增及來貨供應不穩等因素，更難維持一貫服務水平。他為保漢榮美譽，決定營業至本月31日，在最好時光引退，「呢個係我哋最受懷念嘅時期，等家長留低一個好嘅回憶」。

文字記者：盧珮瑤

攝影記者：HLKP

「信用值錢過任何一樣嘢」

「我爸爸係開拓性好強嘅人，但我係好穩陣，所以成日畀爸爸鬧」。漢榮書局由石漢基父親石景宜創立。石父1950年代在廣州經營「忠誠書店」，主打文史哲書籍。他1960年來港後，在旺角奶路臣街推木頭車售賣二手課本，石漢基年僅12歲就擔任爸爸的「小助手」，「我爸爸話信用最重要，值錢過任何一樣嘢，有信用就唔使用錢做生意」。石父憑此宗旨成功擴展，在旺角樓梯舖先開「國榮書店」，1970年租下相鄰百多呎店舖，並改名為「漢榮書店」，售賣全新教科書，隨後定名為「漢榮書局有限公司」。

石景宜1975年到英國與當地出版商洽談直接供應課本來港銷售，簽定一張足以供3年銷售的訂單。隨後英國爆發碼頭工人罷工，本港其他書局來貨不足，只有漢榮課本最齊，「本身賣3年嘅書，1年已經賣晒，令到好多人識我哋公司」。1980年政府大推預科及專上教育，中學數量不斷擴展。學生對課本需求大增，不少基層學生未能負擔課本高昂費用，當時漢榮引進各類平價書籍，包括印度版的大專英文用書，價錢是原版的十分之一，「咁樣先幫到香港學生，環境唔好嘅人慳得一蚊得一蚊」。2011年，漢榮正式進駐油麻地彌敦道4,000呎兩層舖位。

店員苦練執書 「顧客10分鐘內走得」

漢榮以存貨齊全聞名，攀上教科書店龍頭之位，「希望所有顧客嚟買書，我哋都滿足到佢嘅需要，少啲人買嘅書我哋都會照訂，所以我哋嘅書係最齊」。漢榮現時除了門市，另有萬多平方呎倉庫，「即係我哋總共用成2萬呎嚟經營，存貨成本係好高」。

每年暑假，漢榮總會堆滿「撲書」的人龍，「我哋希望顧客10分鐘之內走得，員工要訓練有素，唔使家長等咁耐。（如何訓練？）由朝到晚執書！」店員根據學校書單執書後，會由電腦系統掃描核對，並由其他店員複檢避免「執錯書」，「唔使家長再行多一次」。漢榮早於20年前已研發出電話查書系統，近年亦發展網上服務，家長出門前可查閱課本存貨，「使幾多錢唔緊要，最緊要係做好個服務」。

課程變化急促增成本 「通識書變晒垃圾」

52年來，石漢基凡事以漢榮的金漆招牌為先，「賺唔賺到錢唔緊要，最緊要係我哋公司個名唔好受損」。近兩年，他發現書局的美譽在疫情下受到威脅，暑假由原本的50日縮短至20日，員工需在短時間處理大批教科書銷售訂單，壓力大增；加上疫情或影響教科書供應鏈，未能滿足顧客需求，「如果（疫情）發生喺7、8、9（月），啲書係唔會嚟到」。疫下學習模式亦趨電子化，「以前政府要推電子教學難度好大，但疫情之後都用多咗電子書，大學生都唔會再買書」。

石續指，疫情以外的危機，是學生人數問題，「我哋呢行經濟唔好時都無乜影響，但學生人數跌就好大影響」。根據統計處2021年的人口普查，幼稚園適齡學童人數較5年前跌2.8萬，高中生亦減少2.5萬人。加上現時課程及教科書出版變化急促，令書局成本增加，「通識科一變咗『公民與社會（發展）科』，我哋全部通識書都變晒垃圾；一本數學書分傳統、活頁釘裝，再分中、英文版，仲有套裝同單書，即係1本書變8本書，佔貨倉嘅位好多」。

面臨疫情與學界大環境夾擊，石決定書局在最輝煌時刻謝幕，「遲早都要做呢個決定，而家應該係最好嘅時光、我哋最受懷念嘅時期，等家長留低一個好嘅回憶」。踏入新一年，學生「撲書」的回憶遺留在舊歲之中。