澳門個唱被要求講國語 陳奕迅︰是我做得不對

陳奕迅上月中喺澳門演唱會嘅互動環節中，有觀眾以命令口吻要求Eason「講國語」、「講普通話」。Eason 即時沉默數秒再用泰文打招呼，然後說「I love speaking whatever the way and language I want」，全場即時歡呼。他之後再用普通話教訓觀眾，稱「你可以說『麻煩你說國語』就比較好聽一點了，但你是『講國語！』。我不是不會講國語，我可以講國語，說得很流利也可以，你可以要求『多謝、請、麻煩你』。Eason 之後再轉用廣東話說「No no no, don’t get me wrong. 有人如果話”Speak English!” 我都是”Shut up” ，其實你聽唔明咪算囉」。

上周五，Eason喺澳門舉行新碟發布會，喺傳媒訪問期間佢首次回應「講國語」事件時，就自己嘅處理方式道歉。陳奕迅向國語傳媒表示「是我做得不對！我應該做好我自己的本份，就是演出。我作為主導的，我不應該去影響到觀眾。因為這樣子的話，如果我的情緒有影響，會變成一個很糟糕的情緒。所以經過那件事件，我是需要好好的成長。不要有私人的情緒放在演出上面」。講唔夠兩句，Eason再次致歉「其實真的這樣子不好，對觀眾是不公平的。」

而陳奕迅接受廣東話傳媒圍訪時亦再次道歉：「係我做得唔好嘅……應該做嘅嘢就係演繹首歌。我自己太緊張太執著，其實取決於我嘅心態。唔關觀眾事，我嘅反應會影響埋其他觀眾，其實我做得唔啱……係咪辜負咗啲觀眾？係我係我唔啱。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！