炎明熹擔任許冠傑演唱會嘉賓 抱恙上陣兼自嘲係「說話有限公司」

歌神許冠傑（Sam）日前（31日）喺紅館舉行第2場《許冠傑最緊要好玩演唱會2024》，邀請咗炎明熹（Gigi）和黃妍擔任表演嘉賓。

許冠傑喺介紹炎明熹出場時就話：「有一位女歌手我非常欣賞，她係聲夢小天后，人見人愛、又Sweet又靚。今晚我會同佢合唱，雖然佢今天有點不舒服，但佢依然嚟到紅館同大家見面，大家可以俾啲掌聲佢嗎？佢就是Gigi——炎明熹！」，之後Gigi喺全場觀眾嘅掌聲及歡呼聲下上台，並與Sam合唱《冬暖》及《心裡日記》。

表演完畢後，炎明熹表示自己喺上台時嘅狀態唔係太好，不過可以同Sam哥合唱兩首歌已經非常滿足，足夠令佢好好回憶。Gigi仲話自己有好多嘢想同Sam哥講，但喺台上又唔夠時間。另外，佢仲自嘲自己係「說話有限公司」，但都好想向佢表達敬仰之情，並好想向佢多多學習。

炎明熹喺社交網站上載二人照，並留言表示感到非常榮幸話：「非常榮幸可以擔任Sam哥的嘉賓，真的是意想不到的一件事，真的很開心！亦很感謝Sam哥以及各位工作人員的照顧也很謝謝Sam哥幫我選曲 3月31號將會成為我人生之中難忘的日子之一，亦會把這段美好的回憶寫進我的心裡日記 雖然這天的狀態不是最佳的，但是希望如果再有機會可以再表演俾大家聽 最尾的這塊手作版是Sam哥親手製作的，我會好好地把它保留！」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！