無綫新咪神郭珮文又派福利 三點式泳衣靚相晒完美身材 網民：人間最凶器

落選港姐郭珮文（Juliana）於《2023香港小姐競選》中五強止步，但原來已被TVB睇中，參選完未夠2個月已獲安排入《法證先鋒6 倖存者的救贖》劇組，係應屆港姐之中最快拍劇嗰個，得寵程度更勝港姐冠軍莊子璇。雖然佢正在上位中及知名度日增，不過都冇吝嗇展現好身材，更不時喺社交平台大派福利，好似前日（16日）佢就上載三點式泳照同網民分享。

郭珮文憑澎湃上圍，成為新一代宅男女神。前日佢又向網民大批福利，喺社交平台上載穿著三點式泳照，並留言寫：「永遠短暫 永遠別遺憾」。相片中嘅Juliana穿上性感三點式泳衣，將自己完美嘅3D曲線身材表露無遺，除咗激凸上圍及纖腰之外，側身更有埋「蜜桃臀」，真係睇到一班網民流晒鼻血，紛紛留言大讚其身材，例如「這個冬天不太冷！還有點熱」、「嘩，呢個身材完美到呢，不得了」、「好靚 身材又fit 」、「身材好到不得了」、「太熱了 感覺呼吸急促心跳加速」、「人間最凶器」及「S到呢，屈機」等等；同時亦有網民跪求正面照片。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！