無綫新聞小花賴凱靖離巢 網民不捨：無動力睇新聞台了

如果有睇開無綫新聞嘅話，相信對一班主播有返咁上下認識，最近又有一位熟悉嘅面孔要離巢，而呢位就係人氣新聞小花賴凱靖（Rachel）。喺今日賴凱靖突然喺IG宣布離巢消息，寫道：「抱歉未有機會和大家好好道別，在此謝謝各位一直以來的支持，感恩所有遇見。 #蓋不住的興奮 #新聞終於報導完啦 #各位霸霸」。

唔少網民知道消息後，紛紛留言表示不捨及送上祝福，例如：「又踏進人生新一頁，加油」、「我都是看妳播天氣報告才知道妳的~，聽到這個消息也滿不捨的，祝凱靖錦繡前程 」、「又少了一位專業的新聞主播，祝妳在另一番事業成功吧！」、「好sad...睇左（咗）你幾年新聞，你係83台最 charming 既（嘅）主播，離開好可惜」、「真係好唔捨得你，以後少左（咗）一個開電視既（嘅）理由」、「好突然.. 唔怪得知呢幾日唔見你報道新聞啦！唔捨得」、「無動力睇新聞台了」、「希望以後多d係其他平台見到你」及「Will miss u 文青女神主播」等等。

現年26歲嘅賴凱靖，2017年喺香港城市大學媒體與傳播系以一級榮譽畢業，同年9月就加入無綫開始主播生涯，2019年更升為高級主播。雖然Rachel唔似其他主播咁高調，不過佢仍然備受網民關注，淨係個人IG就已經超過1.4萬追蹤者。睇返佢IG啲相，Rachel平時喜歡簡約嘅凈色配搭，充滿文青味道，難怪被網民稱為「文青女神」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！