無綫禁與Ali合照 陳恩德威脅抽千萬廣告

·1 分鐘文章
陳恩德不滿無綫開出「不合理條件」,促高層樂易玲交代。
陳恩德不滿無綫開出「不合理條件」,促高層樂易玲交代。

「蟲草大王」陳恩德(Mark)昨日舉行活動,邀來王丹妮與老公羅孝勇、蔡潔、張天賦、戴祖儀等撐場,鄭裕玲則擔任司儀,傳與Mark暗交1年的李佳芯(Ali)本來亦在嘉賓之列,但Mark稱無綫開出「不合理條件」,臨門一腳決定「放棄」她。

活動結束後,Mark說:「無綫話如果出席,佢唔可以同我合照,即使大合照都要保持距離,我覺得好唔尊重同唔合理囉!」他曾聯絡Ali問原委,對方稱是無綫的意思:「我每年喺無綫投放過千萬廣告費,點解會咁?我會抽起晒啲廣告!(冇偈傾?)我諗樂易玲要畀個交代!」其身邊高層稱已跟無綫溝通,希望有方法解決,Mark續說:「Ali係好人,唔想傷害佢,我單方面覺得佢一定係我好朋友。今日佢嚟唔到,相關嘅禮物我都可以照送畀佢。(出場費呢?)呢樣唔得,因為唔係佢收,係無綫收嘅。」而王丹妮否認因Ali缺席而執二攤:「主辦單位1個月前已問我攞期。」

對於Mark的指控,無綫高層樂易玲回覆:「TVB藝人蔡潔、戴祖儀同羅孝勇都有出席活動,公司與各廣告客戶保持良好關係,至於藝人在公司工作以外的商業活動,保護和尊重藝人的意願,都是經理人的基本責任。」

陳恩德與李佳芯被指暗交1年,更有「蜜照」流出。
陳恩德與李佳芯被指暗交1年,更有「蜜照」流出。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能