爆完緋聞風騷露背 袁澧林認Edan訪香閨 呻生日冇表示

最近被網民列舉證據指與MIRROR成員Edan拍拖的袁澧林，身穿露背裝現身活動時否認緋聞，強調雙方只是好友：「大家放過我，我唔敢高攀。」但就直認男方曾到訪其香閨。

袁澧林、張繼聰及毛舜筠等前晚出席「第19屆香港亞洲電影節開幕禮」，因當日適逢29歲生日，袁澧林指圈中有10位好友專誠來首映捧場，但緋聞男友Edan卻未有表示。講到被網民發現她與Edan過從甚密傳出緋聞，問她是否受刺激而剪短頭髮？她說：「唔係，最近成日思考女仔點先叫做靚，如果中性啲會係點呢？（髮型受到抨擊？）初時有少少唔開心，依家發掘到自己呢一種靚。（Edan鍾意你短頭髮？）同Edan係好朋友，佢都否認咗（緋聞）。（Edan喺你屋企梳化開直播？）張梳化都唔同。（佢有冇上過你屋企？）成班朋友有上過嚟我屋企1次，單獨就冇。（Edan係咪你喜歡嘅類型？）大家放過我，唔敢高攀，同佢係好朋友，自己想專心工作。」

毛舜筠讚後輩有諗法

同場的毛舜筠受訪時表示今次與一班很喜歡演戲的年輕人合作，覺得香港電影有希望，讚他們有個人諗法，其中Edan對演出有「永不放棄」的精神，永遠想再做得更好。此外，Edan亦獲讚對演戲有火，拍攝前做足功課。

至於剛剛病好的張繼聰，笑言有在家與囡囡一起睇ViuTV《季前賽》首播，他說︰「佢不停問點解未見Anson Lo？我同佢講冇呀，只有姜濤咋！」對於早前確診而被迫取消個唱，張繼聰感嘆連個天都覺得他太耐沒開騷，所以給他多些時間去準備，還笑言不少朋友因改期一事才知他原來會開騷：「佢哋仲問我有冇飛賣？當然一早賣晒啦！」