牛市不會重臨？ 施永青解畫：只係指下半年

中港通關後，本地樓市好轉半年即轉淡靜。有本地傳媒引述中原集團創辦人施永青早前出席集團內部會議時，稱本港「牛市不會重臨」，樓價出現較大調整並非沒有可能，憂慮有管理層要求增設分行是過分樂觀。施永青回應本報查詢時澄清，「牛市不會重臨」並非指永遠，只是今年下半年；又指經濟復常程度不如預計，「同事見小陽春後寄望變真正復甦，但現實唔似想像中咁好。」

復甦不平均 「樓價跌太多會頂唔順」

施永青指，目前樓市表現較去年好，但要再升就有難度，主要由於樓市需要在經濟良好基礎上才會出現「牛市」，觀乎目前僅旅遊及零售業好轉，要支撐GDP並不足夠，最重要的金融、專業服務、進出口貿易等的復甦水平仍與疫前有距離。他又指，政府仍以辣招打擊地產，若想樓價下跌已得償所願，「問題係樓價跌得太多會頂唔順，好多人包括政府都損失慘重。」他說，「金融中心係依靠投資者同炒家，但『辣招』就打擊佢哋，當佢哋係洪水猛獸，罪大惡極，人哋咪唔嚟囉，到你想叫返人哋嚟就好難。」他強調，會議上只是提醒管理層「唔好諗住市好坐喺度就有生意，依家冇㗎啦，要透過比以前付出更大努力喺管理上提升效益，先至可以生存到。如果市好先可以生存，你就會被淘汰。」

原文刊登於 AM730 https://www.am730.com.hk/本地/牛市不會重臨-施永青解畫-只係指下半年/386546?utm_source=yahoorss&utm_medium=referral