狄以達前女友個個高質 點止港姐冠軍陳曉華?

東方新地 - 娛聞
東方新地

2018年度香港小姐喺星期日已圓滿結束,23歲中大護理系畢業生陳曉華(Hera) 榮登冠軍寶座!Hera由參選至今都備受關注,其中最多人討論當然就係佢有藝人前男友狄以達啦!雖然好多人覺得狄以達演藝事業唔算出色,不過佢啲前女友就真係好出色啦!

撰文:東方新地|圖片:東方新地、Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

范冰冰身在美國近照曝光!被昔日好友爆料已和李晨分手?!

2018港姐冠軍 17號陳曉華

剛剛過去的星期日,2018年港姐冠軍正式誕生, 由賽前大熱之一的17號陳曉華(Hera)奪得!

亞軍20號鄧卓殷、季軍7號丁子田。
亞軍20號鄧卓殷、季軍7號丁子田。

|空中瑜珈夠優美

喺才藝表演環節,陳曉華表演空中瑜珈!

|泳衣問答夠淡定

泳衣問答環節,淡淡定冇問題~

|決賽表現夠平均

陳曉華決賽當晚表現唔算最亮眼,但勝在夠平均,同埋本身條件實在係強勁!

|有個明星前男友狄以達

早在陳曉華參選港姐初時,就有網民在討論區爆料,指Hera曾經同狄以達拍拖,兩人曾被影到在牛頭角一一餐廳撐枱腳,舉止親蜜,而Hera畢業時達仔亦有露面。當時達仔回覆傳媒,表示佢同Hera大概喺四月時已分手,不過都支持前女友參選!

|點樣恭喜前度?

如今前女友奪港姐冠軍,傳媒當然要問問狄以達反應,唔知佢打電話定Whatsapp恭喜呢?對此達仔就表示:「喺TVB撞到先親口恭喜啦!」避免太過主動,不過似乎又幾有誠意,達仔呢個回答大方得體!

狄以達前女友個個高質

現年29歲的狄以達,2008年以藝名狄易達 (2017年改為狄以達)出道成為唱跳歌手,大家對佢印象應該都係其精湛舞技。雖然狄以達演藝事業又唔算話好出色,但佢本身係跳舞學校校長,又與朋友開設室內設計裝修的配對平台。不過最令人佩服的,就係達仔除了陳曉華外,歷任女朋友同緋聞對象個個都係咁高質!

|陳曉華

出爐港姐冠軍陳曉華(Hera),今年23歲,畢業於中大護理學系,選港姐前已經係一名模特兒。Hera樣貌標緻、笑容甜美且有出眾身高,由初選起已經被視為大熱,一直以來人氣有增無減!

|回到2018港姐首輪面試

大家都知道港姐首輪面試可謂「燕瘦環肥」,咩人都有,不過白裙長髮少女Hera出場時,大家見到佢笑容甚為甜美、身材高佻,即時謀殺唔少菲林!

白裙飄飄好仙氣!
白裙飄飄好仙氣!

|中大護理系女神

Hera當時接受訪問,表示自己未搵到工,所以決定試試參選港姐。呢個絕對係明智決定!

173cm身高相當突出!
173cm身高相當突出!
早前佢同另一佳麗鄧卓殷(Amber) 約埋一齊去面試,依家兩人已貴為港姐冠、亞軍!
早前佢同另一佳麗鄧卓殷(Amber) 約埋一齊去面試,依家兩人已貴為港姐冠、亞軍!

|吳亞馨

台灣性感女神吳亞馨,今年34歲,身兼演員、模特兒及主持人,除了174cm模特兒身高,更擁有34C噴血上圍!2015年時,狄以達參加一次私人活動而結識比自己年長5歲的吳亞馨,有指兩人一見傾心,好快就打得火熱!

不過呢段姊弟戀大概一年後便告終,兩人於2016年約5月分手。而吳亞馨可能仲有一件更廣為人知的事,就係佢喺2012年曾捲入李宗瑞淫照事件中。

|Hillary劉沛蘅

現年27歲的模特兒劉沛蘅(Hilary),為Angelababy同公司的小師妹,又因為與薛凱琪樣貌有幾分相似,而被稱為「模界薛凱琪」。除了模特兒事業外,Hilary近年亦開始涉足影壇,參與過拍攝電影《蝕日風暴》及《八個女人一台戲》等,最近亦有份參與ViuTV新劇《詭探前傳》,與前輩鄭少秋和陶大宇合作。

比狄以達年輕約3年的Hillary,據聞家底豐厚,狄以達更一度搬進女友於何文田的豪宅同居。兩人拍拖長達四至五年,但於2014年9月正式承認分手,有指原因係狄以達難忍女方港女性格……

蔚雨芯

以上三位索女,其實都只係狄以達承認過的女朋友,不過其異性緣又點止咁少!狄以達與同公司藝人、有「魔鬼胸」之稱的蔚雨芯,曾因多次合作而傳出緋聞,不過當時達仔承認與Hillary的戀情先終止傳聞。

|林穎彤

狄以達於無綫節目《安樂窩》的拍檔林穎彤(Bella),細細粒好多人鍾意,又係同達仔曾經傳過緋聞!似乎達仔並唔係只鍾情高妹?

|吳嘉熙

Super Girls成員Cheronna(吳嘉熙)都曾經同狄以達傳緋聞!

不過Cheronna依家已經有個感情穩定的男朋友、夏雨兒子兼ViuTV主持黃奕晨 (Dixon),兩人仲經常喺網上放閃!

出爐港姐冠軍陳曉華 中大護理系女神 仲有個明星前男友

女優一日工作生活全面睇 朝6晚9點只啪啪啪咁簡單…

延伸閱讀:

【港姐2018】盤點歷屆13位高學歷港姐

其他內容