狗界中的港女 7個唔好養約瑟爹利的原因

香港人屋企細細，養狗係一件奢侈事，加上生活忙碌，無咩時間陪狗狗，即使要養都要揀啲較獨立自主的品種，好似唐狗。小編細個曾養過一隻約瑟爹利，佢每日見我哋一家人外出上班，自���就會係屋企發脾氣，反轉成間屋，仲試過撞到頭破血流，心痛死我。事實上，約瑟爹利出名固執及愛撒嬌，尤如狗界港女，而最近更有外國網站，就指名道姓列出7個叫人唔好養約瑟爹利的原因，雖則話領養代替購買，但領養前都要停一停，諗一諗。

1. 天生小偷

佢地好鍾意偷嘢，衫褲鞋襪，咩都偷，出街一陣，反轉你屋企都似，當然仲會偷埋你個心。

2. 勁八怪

最鍾意睇你搞緊咩，好似有心斷你米路咁，永遠唔會畀你做嘢。

3. 自大到爆

從來都意識唔到自己係咁細粒，有時候仲覺得自己可以幫你看屋，傻到爆。

4. 勁熱情

佢哋點都唔會掉低你，無論你傷心開心燥底定忙到爆，佢就係要痴住你，熱情到頂佢唔順，因為佢哋勁需要你。

5. 呃like王

靠個萌爆樣，佢地係Fb同Ig永遠都會多Like過你，主人點都輸晒比佢。

6. 風吹怪樣

有風時，佢地個樣勁騎呢，因為佢地有長長的秀髮，紮辮一定好睇又可愛過你。

7. 最愛摸摸

如果你摸佢個肚，就死梗，你推定哂成日嘅活動都得，預備定成日就淨係摸佢個肚喇！因為佢會契而不捨咁煩住你。

相片來源：handsomedogs @tumblr