王祖藍舅父67歲冼國林出PO報喜宣布再次做老竇：是一種福氣

現年67歲嘅王祖藍舅父冼國林，除咗係金融業老闆之外，同時係武林中人及電影《葉問前傳》出品人，前日（20日）佢喺社交網站出PO報喜，宣布再次做老竇，真係恭喜晒呀！

喺前日，冼國林喺社交網站上載與老婆及BB嘅照片，並留言話：「老來得子或者老牛食嫩草，一般人嚟講可能是貶詞。但我卻認為是一種福氣，我並非大富人家，同我太太都經歷過好多挫折，但今日我哋有個幸福家庭。繼女兒回到身邊之後，太太又好辛苦咁為我誕下一個可愛嘅仔仔。太太身型細小卻誕下 8.5磅3.83kg的巨B， 難怪她經常覺得週身骨痛腳痛。在此我要講一聲"太太辛苦您了" 我總共有三個仔，榮邦,潤邦和小灏邦。我希望他們對國家有貢獻，唔需要做大人物，只要做一個好人就得喇。多謝上天對我夫婦嘅眷顧，亦多謝一直以嚟支持我的所有人」。

呢個PO一出，網民們都留言恭喜佢，例如「恭喜冼師傅」、「恭喜冼師傅」、「恭喜。師傅。師母。」及「Congratulations」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！