王貽興轉行教紫微斗數 5個鐘盛惠$2380

王貽興

曾經以作家身份走入電視台嘅王貽興,近年甚少幕前演出,離開TVB後最多只係喺2018年為ViuTV劇集《VR驅魔人》演出兼出任導演加編審,同埋演出Viu另一套劇《黑市》。唔做幕前,著作亦都減少,但係原來王貽興轉行教人紫微斗數。

睇王貽興facebook專頁,差唔多每個post都以術數角度提及近期熱話,例如呢幾日爆出《給十九歲的我》嘅紛爭,王貽興就話因為「今年係太陰化科 大家要小心女人,會有好多女人嘅紛爭同問題」。然後佢仲介紹埋自己教嘅紫微斗數入門班,2堂合共5個鐘收$2380,以一個月開2班、一班15人計,全數爆滿的話每個月賬面有7萬幾蚊落袋,而且上堂地點由東九龍搬到去金鐘,似乎真係幾唔錯。

王貽興
王貽興

王貽興提過教紫微斗數係期間限定嘅事,可能隨時唔再教,不過教吓教吓都教咗差唔多兩年,呢個「期間」都幾長噃。

王貽興
王貽興

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!