雅虎香港新聞 瑜伽褲之亂｜再掀罵戰！網民質疑著全套瑜伽衫「貼身到好似冇著」仲透視埋性格？用家反擊！
女生以瑜伽褲當便裝著出街這股潮流，近年蔚然成風。日前女生出街應否著瑜伽褲，再於網上討論區掀罵戰！有網民直指女生著瑜伽衫褲「貼身到冇著咁樣」，亦有網民批評「好肉酸！」、「唔知醜！」、「真係唔好睇小香港女仔嘅自信」，不過瑜伽褲用家，一批女網民就有不同睇法，覺得「又唔係冇著，有咩所謂先？」、「膚淺嘅人先覺得有問題」。
狠批敢著瑜伽衫行街思想太前衛、太有勇氣
事源有網民近日於討論區發文，主題為「著住全套瑜珈衫行街」，指女性穿著瑜伽衫褲「貼身到冇著咁樣」，故詢問大家如何看待女性穿住全套瑜珈衫出街。帖文隨即引來網上激辯罵戰，有網民指「想知著瑜珈褲會唔會著底褲？ 我眼見就唔多覺有痕！ 還有不時見到『駱駝蹄』出現，都幾核突！」，質疑「點解行街都要咁著？」、「影響市容」、「成個形出曬嚟佢都敢著出街，真係有勇氣」。
昔日文章 >> 女仔著瑜伽褲出街「現晒形」成何體統？ 即數3大瑜伽褲健康好處
瑜伽衫褲應否全套著出街？男女網民反應兩極
不過，有大批網民認為男女平等，最重要是自己喜愛，「我覺得係fashion，耐唔耐我都有咁著出街，膚淺嘅人先覺得有問題」、「有咩問題？都係有著」。另外，有網民認為穿著瑜伽衫褲是美女專利，「美女咁穿無問題」、「身材好才會著出街」、「除非身材好好，若果唔係真的唔建議著瑜珈褲出街」、「身型靚嘅著乜都冇問題」、「肥嘅真係唔好出醜」。
有自家瑜伽服裝品牌的Coffee林芊妤也會穿著瑜伽褲外出，有時也會配搭便裝。
A post shared by (@) on
昔日文章 >> 真理褲 VS 瑜伽褲！一個原因令真理褲大勝瑜伽褲？
瑜伽衫反映女生性格？網友指敢著瑜伽褲多數大擔有主見
女生行街著瑜伽衫褲已經不是新鮮事，雖然仍然惹來許多人的爭論，但亦有網友已看破世情，直指「睇下睇下就麻木了」；亦有人有另類觀點，覺得著瑜伽衫褲的女生大膽、有主見、敢言。「一著就知女人性格，內向／被動／細膽女唔敢著」。
小編覺得凡事都有兩面，夠擔著起瑜伽衫褲的女士，對自己的身形必定充滿自信，亦不介意大家放眼欣賞。不過亦有不少網民，尤其是男性思想比較傳統，覺得瑜伽衫褲令他看到不想看到的細緻曲線，尤其是針對「美感」這問題。其實美與不美的確很主觀，如果要像明星一樣擁有「上鏡剛剛好、坐低零贅肉」的身形，才有資格穿上瑜伽衫的話，這種要求也未免太苛刻了。
瑜伽裝束代表了對健康的追求，如果穿著的人不介意別人的批評，不妨勇敢站出來，讓一身瑜伽裝成為令身心健康的主流熱潮，到時批評的聲音也會越來越少了。
更多相關文章：
【每周星座運程】29/08-04/09︰金牛座要相信個人判斷！天蠍座不要過份執著堅持
【#sheGO】 Porterhouse Seafood & Steak 全新意大利總廚駐場 呈現海陸鮮味美饌
