由門口搞到入房 唐詩詠馬國明肉搏激到拆床

馬國明與唐詩詠昨日為新劇拜神時被監製爆兩人有激烈床戲，他笑謂床戲不止撞爛床，連窗也拆掉，而勤做Gym練體能的詩詠則估不到動作戲會在床上發生。

馬國明、唐詩詠、劉佩玥與劉穎鏇昨日在將軍澳電視城為劇集《隱形戰隊》拜神，期間監製文偉鴻爆馬國明與詩詠劇中床戲激烈到撞爛床，詩詠笑說：「一星期去做5日Gym，體能提升咗，估唔到動作戲係喺床上發生。」司儀追問床戲可有提升？她尷尬笑說：「床戲提升咗馬國明少少。」

馬國明受訪時講到激烈床戲，他笑說：「好激，唔止拆床仲拆埋窗，不過都係搞笑床戲嚟嘅。」詩詠則笑說：「連布景同事都叫我哋唔好咁大力得唔得，啲床戲真係好難拍，由門口去到廳又去番房，好大挑戰，又要唔好整爛嘢，又要好激情，好有戰略㗎！哈哈。」她更請了健身教練，密密做Gym，練出「老鼠仔」：「因為上套《超能使者》自己都係捱住嚟拍，所以想體能、健康都好啲。」又否認有離巢之意。

劉佩玥做Gym操Fit

劉佩玥以貼身背心示人有束胸效果，甚有睇頭！她透露角色除了槍法好，最開心終於可以拍攝動作戲，因要穿高踭鞋拍攝，朋友也擔心她會受傷，她事前有去做Gym操Fit和上堂拉筋做好準備。

而劉穎鏇騷纖腰腹肌乍現，被監製文偉鴻取笑是「雨神」，因為每逢有她的場口也會落雨。她指因要穿上整套裝備和應付動作戲，開拍前3、4個月已默默操練，自言是人生最Fit的時間。